Descrición

O curso "Mellora das técnicas de redacción de comunicacións e publicacións científicas" insírese dentro das accións formativas institucionais da Universidade de Vigo para o ano 2011. As devanditas accións formativas están organizadas pola Vicerreitoría de Alumnado, Docencia e Calidade e a súa Área de Formación e Innovación Educativa.

Información sobre o calendario (datas)

Prazas e créditos

Destinatarios/as

O presente curso está destinado a todos os profesores e profesoras da Universidade de Vigo.

Obxectivos

•   Aprender a expresar adecuadamente o que pensamos
  
•   Analizar diferentes tipos de textos e a súa efectividade e corrección
  
•   Ensinar algunhas técnicas que faciliten a elaboración dun texto científico e técnico
  
•   Conseguir unha comunicación máis clara e eficaz

Criterios de selección

Ofértanse 30 prazas que se irán cubrindo por rigorosa orde de preinscrición.

Calendario

O curso celebrarase os días:

6, 8, 13, 15 e 20 de xuño de 16:00 a 20:00

Programa

1. A comunicación e a súa relación co éxito profesional no ámbito docente e investigador
   • 1.1   O esquema comunicativo
     
   • 1.2   As funcións da linguaxe: a relación emisor-receptor
   • 1.3   Algunhas cuestións normativas
   • 1.4   Ferramentas útiles en Internet para unha correcta redacción: o bo uso dos diccionarios
2. Composición dun texto
   • 2.1   A elaboración do texto
   • 2.2   Organización en función do contido: as técnicas dedutiva e indutiva
     
   • 2.3   Coherencia e cohesión
     
   • 2.4   Fases de elaboración: o parágrafo, a frase e a palabra
     
   • 2.5   Análise dalgúns erros frecuentes (as repeticións léxicas, as impropiedades, a puntuación incorrecta, os solecismos e os anacolutos)
3. Taller de textos (1ª parte)
   • 3.1   O correo electrónico
     • Definición e escritura
     • Tipoloxía
     • Características
     • A carta (Definición e estrutura, tipoloxía e características)
       
4. Taller de textos (2ª parte)
   • 4.1   O informe técnico
     • Definición e estrutura
     • Fases de elaboración
     • Características
       
   • 4.2   O artigo de investigación
     • Definición e estrutura
     • Fases de elaboración
     • Características

Impartido en

Aula 2.3 da Facultade de Dereito.

Campus de Ourense

Observacións

CERTIFICADO DE ASISTENCIA:

A asistencia a esta actividade formativa será certificada pola Universidade de Vigo a todas aquelas persoas inscritas que asistan a oito sesións completas das dez que ten o curso (cada sesión equivale a dúas horas).

Profesorado

INMACULADA ANAYA REVUELTA

SUSANA RODRÍGUEZ BARCIA

ÁNGEL RODRÍGUEZ GALLARDO