Información sobre o calendario (datas)

Prazas e créditos

Destinatarios/as

O presente curso está destinado a todos os profesores e profesoras da Universidade de Vigo.

Criterios de selección

Ofértanse 20 prazas que se irán cubrindo por rigorosa orde de preinscrición.

Obxectivos

•   Analizar o perfil do profesor universitario e as súas competencias.
•   Comprender o significado da avaliación como ferramenta de autoavaliación e mellora.
•   Distinguir os requisitos que esixe unha avaliación válida e fiable do ensino.
•   Adquirir información sobre o concepto de cartafol docente e a súa filosofía de traballo.
•   Explorar o uso e interpretación do cartafol.
•   Iniciar o proceso de elaboración dun cartafol docente.

Profesorado

AMPARO FERNÁNDEZ MARCH

Profesora titular da Universidade Politécnica de Valencia

Programa

1. Marco teórico do cartafol:

   1.1 Novo modelo educativo: repercusións para o ensino.

   1.2 A profesionalización da docencia: análise das competencias docentes.

   1.3 A avaliación do ensino: análise das prácticas actuais.

2. O cartafol docente:

   2.1 Orixes, definición e tipos.

   2.2 Uso do cartafol para desenvolver a competencia reflexiva e para o desenvolvemento profesional.

   2.3 Funcións. audiencias, contextualización,...

   2.4 Contido do cartafol.

   2.5 A elección da información.

   2.6 Estruturas.

   2.7 A preparación do cartafol: os oito pasos para a súa elaboración.

   2.8 A elaboración dun cartafol de calidade: titoría, colaboración, criterios de avaliación, procesos de avaliación.

Calendario

Trátase dun curso semipresencial, cunha duración aproximada de vinte horas para a parte virtual, dúas sesións presenciais de catro horas cada unha e dúas sesións de videoconferencia de dúas horas.

Parte presencial:

Impartirase os días 22 de setembro de 16:00-20:00 horas e 23 de setembro de 10:00-14:00 horas. Nesta parte os participantes analizarán o sentido do cartafol e a súa función como ferramenta de desenvolvemento profesional. Análise do seu proceso de elaboración e iniciación deste.

Parte virtual:

Dende o 24 de setembro ao 2 de novembro a través da plataforma TEMA na que os participantes irán elaborando o seu cartafol e resolveranse as dúbidas a través de titorías virtuais.

Videoconferencias:

Impartiranse os días 3 e 4 de novembro de 10:00-12:00 horas nas que terán lugar as presentacións do cartafol elaborado por cada un dos participantes: Análise das dificultades e reflexión do grupo sobre o aprendido coa súa elaboración, e as distintas concepcións persoais en relación coa docencia. Esta fase realizarase a través de videoconferencia.

Impartido en

Seminario 14 da Facultade de Ciencias Sociais e da Comunicación

As sesións do 3 e 4 de novembro terán lugar na Facultade de Ciencias da Educación e do Deporte. Primeiro andar. Aula 12 (Sala de videoconferencia)

Campus de Pontevedra

Observacións

A asistencia ao curso será certificada pola Universidade de Vigo a todas aquelas persoas inscritas que asistan polo menos a cinco sesións presenciais completas das seis que ten o curso (dúas videoconferencias máis unha sesión cada dúas horas) e participen satisfactoriamente na parte virtual.