Este curso pretende establecer unha visión ampla do proceso de elaboración dun proxecto de deseño editorial, atendendo tanto aos aspectos puramente formais como a aqueles de carácter máis técnico. Dende a análise das partes que compoñen unha publicación ata a creación dunha retícula base, páxinas maestras, estilos de composición e o axeitado uso da tipografía, procederase á súa aplicación práctica mediante o programa de maquetación Adobe inDesign.

O obxectivo final pasa por dotar ao alumnado de tódolos coñecementos necesarios para definir un proxecto de deseño editorial coherente, estéticamente correcto e aplicable a diferentes tipos de publicacións tales como libros, periódicos, revistas, etc.,...