Descrición

Os coñecementos informáticos e do mundo dixital son cada vez máis requiridos polas empresas. De feito, nos últimos anos xurdiu un novo formato de currículo que aproveita ao máximo as capacidades que ofrece o mundo dixital. Estamos a falar do videocurrículum.

Trátase da presentación en vídeo que un/unha candidato/a realiza sobre si mesmo, sobre a súa traxectoria profesional, as súas aptitudes, habilidades e logros, co obxectivo de acceder a un determinado posto vacante. Aínda que poida parecerche complicado, o certo é que só necesitas unha cámara (a túa smartphone pode servirche!), unha localización adecuada e practicar varias veces o teu discurso diante do obxectivo ata que pareza natural!.

O formato vídeo permite conectar coa empresa con máis facilidade establecendo un primeiro vínculo coa persoa responsable dos procesos de selección, e destacar respecto a outras candidaturas grazas ás posibilidades creativas do formato. A/o candidata/o pode expresar nun par de minutos algunhas das súas habilidades e competencias máis destacadas (boa comunicación, creatividade, oratoria ou dominio dun idioma, por exemplo) que o converten na persoa perfecta para o posto. En resumidas contas, o videocurrículum é unha especie de «vídeo promocional» de cada un/ha.

Se eres estudante ou egresado/a da Universidade de Vigo e queres aprender a facer un videocurrículum e como utilizalo para conectar coas entidades empregadoras, non dubides en apuntarte a esta formación. Ademáis terás a oportunidade de presentar os videos xerados ante representantes de empresas e institucións de Galicia e norte de Portugal e entrar a formar parte dos seus procesos de reclutamento. 

Entidades organizadoras

Área de Emprego e Emprendemento

EURES Transfronteirizo Galicia-Norte de Portugal

Información sobre o calendario (datas)

Prazas e créditos

Destinatarios/as

- Estudantes de tódalas titulacións impartidas pola UVigo

- Egresados e egresadas dos graos e mestrados impartidos pola UVigo

Obxectivos

- Coñecer un novo formato do CV: o videocurriculum

- Formar en competencias comunicativas verbais e non-verbais

- Aumentar as posibilidades de contacto con entidades emporegadoras participando no Videotalentum, organizado no marco do EURES Transfronteirizo Galicia-Norte de Portugal

Criterios de selección

Por rigoroso orde de inscrición

Calendario

O curso estará dispoñible desde o 4 e ata o 30 de novembro en Moovi, polo que as persoas admitidas poderán decidir en que tempo superarán os contidos do mesmo.

O Obradoiro ten estimada unha duración de 5 horas, distribuídas como segue:

- Visualización dun video titorial: 1 h.

- Elaboración do guión do videoCV: 1 h.

- Titoría de seguemento: 1 h.

- Realización do videoCV: 2 h.

Programa

1. Que é un videocurriculum:

- Estrutura, contido e duración

- Orixinalidade versus espontaneidade na súa elaboración

- Difusión e posicionamento do videocurriculum

2. Consellos: antes, durante e despois da gravación

3. Erros máis frecuentes

- Contacto: todo empeza cando acaba o video

Modo de pagamento

Gratuito

Impartido en

- O curso será impartido a través de Moovi

Profesorado

Pablo Osorio

Mentor e Docente de comunicación, marketing e emprendimiento

Sistema de avaliación

A superación do obradoiro supón a relización dun videocurruciculum