Descrición

Este curso insírese dentro do proxecto europeo HEI4Future.

Entidades organizadoras

Grupo DESIRE.

Información sobre o calendario (datas)

Prazas e créditos

Destinatarios/as

Esta actividade está principalmente destinada ao profesorado da Universidade de Vigo e ao estudiantado do mestrado en Profesorado de Educación Secundaria, Bacharelato, Formación Profesional e Ensinos de Idiomas. Se quedan prazas dispoñibles poderán participar outros membros da comunidade universitaria.

Obxectivos

• Desenvolver habilidades creativas.
• Aplicar metodoloxías efectivas.
• Fomentar o traballo colaborativo.

Condicións de acceso

• Nivel básico no uso de ferramentas informáticas: navegación por Internet, procesador de textos, realización de presentacións, videoconferencia, ferramentas de mensaxería e follas de cálculo.
• Computador propio para seguir as sesións en liña e a parte das sesións desenvolvidas sobre a ferramenta Miro.
• Nivel de inglés básico, para ler contido na internet, documentos e artigos curtos.

Criterios de selección

O profesorado terá reservadas 15 prazas. Por orde de preinscrición.

Calendario

Modalidade presencial: 6, 13 e 20 de xuño de 15.30 a 18.30 horas.
Modalidade virtual síncrona: 11 e 18 de xuño de 15.30 a 18.30 horas.

Programa

Sesión 0- Envío de documentación previa
-Ficha técnica do curso (calendario, número de sesións, número de horas etc.)/ etc.).
-Presentación do curso (obxectivos, metodoloxía etc.)/ etc.)
-Documentación exploratoria.
-Presentación do desafío-problema inicial.
Sesión 1 – Presencial
- Dinámicas de presentación.
- Claves para deseñar sesións de creatividade.
- Ximnasia creativa: como activar o pensamento creativo.
- Un mapa para resolver desafíos.
Sesión 2 - En liña
- Modelos organizativos e cultura da innovación.
- Factores bloqueantes e facilitadores da innovación nas organizacións.
- Metodoloxías áxiles.
- Ferramentas dixitais colaborativas para o traballo en equipo.
- Miro.com, visual workspace.
- Formación de grupos de traballo para o proxecto DT.
Sesión 3 – Presencial
- Parte 1. Empatía / exploración.
- Entrevista empática.
- Procura de información na web, ferramentas de IA, …
- Parte 2. Definición (I)
- Técnicas de análises / sínteses: mapas mentais, diagrama de empatía, …
- Traballo autónomo.
- Captura de información sobre a temática do proxecto (entrevistas, web etc.)/ etc.)
Sesión 4 – En liña
- Parte 1. Definición (2).
- Definición do reto do proxecto para cada grupo. Identificación do punto de vista.
- Parte 2. Ideación
- Técnicas para a xeración e clasificación de ideas e solucións.
- Tormenta de ideas para o proxecto. Selección dunha solución.
Sesión 5 – Presencial
- Exercicios de quecemento (expoñer e presentar).
- Fase de prototipado: ferramentas para o prototipado rápido.
- Creación dun prototipo para o proxecto.
- Fase de probas: presentación de prototipos (matriz de resultados por grupo).
- Recapitulación e peche.
Desafío creativo
O transporte/a mobilidade aos campus da Universidade de Vigo, considerado desde unha perspectiva o máis ampla posible, e non só relacionado coa mobilidade da comunidade universitaria senón incorporando perspectivas de urbanismo, relación e ordenación do territorio etc.

Impartido en

Parte presencial: Espazo INCUVI.
Parte virtual: sen determinar.

Observacións

IMPORTANTE:

Segundo a directriz aprobada pola Comisión de Estudos Propios (CEP) do 26 de xullo de 2022:
“As persoas matriculadas nun curso poderán renunciar a el cunha antelación mínima de tres días hábiles da data de comezo do curso, para deste xeito permitir a asistencia a outra persoa que estea na listaxe de agarda.
No suposto de que a persoa non comunique a súa renuncia coa antelación indicada ou que asista a menos do 20% da formación, terá a menor prioridade de acceso aos cursos que se realicen nos seis meses posteriores, a non ser que presente unha causa xustificada da non asistencia.
De acordo coas características do curso establecerase un mecanismo de control da asistencia ou realización.”

Pode consultar máis información na seguinte ligazón.

Titulación

A superación da formación será acreditada ao profesorado (figuras docentes LOU e LOSU, e persoal investigador cuxo contrato teña carga docente) pola Vicerreitoría de Titulacións e Innovación Docente da Universidade de Vigo. A superación da formación do resto de participantes será acreditada pola Vicerreitoría de Investigación, Transferencia e Innovación.

Profesorado

GID DESIRE

O Grupo de Innovación Docente está orientado a fomentar o traballo en equipo e a innovación no estudantado mediante unha combinación innovadora de metodoloxías adaptada ás demandas actuais do mercado de traballo. Mediante o uso dunha combinación de Design Thinking, aprendizaxe baseada en problemas e un enfoque multidisciplinar, contribúen a superar a actitude actual do estudantado fronte á aprendizaxe cara a unha actitude activa de exploración e descubrimento baseado nas persoas e orientada á solución crítica de problemas do mundo real.
Manuel Caeiro Rodríguez
Manuel José Fernández Iglesias
Íñigo Cuíñas Gómez
Iciar Goicoechea Castaño

XENEME Innovación Social

Diego Parajó

Sistema de avaliación

Asistencia ao 80 % das sesións presenciais e síncronas do curso.
Superación do proxecto. A rúbrica de avaliación terá en conta:
- A capacidade para enfrontarse a problemas complexos e para emitir xuízos a partir dunha información inicial parcial ou limitada.
- A integración de coñecementos e experiencias previas nun contexto amplo e multidisciplinar.
- As características da solución proporcionada ao reto exposto: o seu atractivo, orixinalidade e efectividade.