Descrición

HEI4Future é un proxecto europeo financiado pola HEI Initiative da EIT e coordinado pola UVigo que ten como obxectivos desenvolver capacidades emprendedoras e de innovación das persoas vinculadas ás HEI a través de procesos de co-deseño, innovación aberta e soft skills para convertir as capacidades tecnolóxicas individuais e colectivas en novas habilidades, para a xeración de novos produtos e servizos traballando con diferentes ecosistemas industriais. Para iso o proxecto conta cun amplo catálogo de actividades para a promoción do espíritu empresarial, como son os programas formativos para profesores e persoal educativo, estudantes, directivos e emprendedores; obradoiros para a creación de equipos e xeración de ideas e apoio directo a través de redes de mentores ou programas de mobilidade internacional.

Dentro da súa proposta formativa, HEI4Future propón o programa TRANSFER4Future, unha colección de sesións formativas sobre aspectos concretos e relevantes no campo da transferencia e enfocadas tanto á comunidade investigadora como ao persoal xestor da Universidade de Vigo, co obxectivo de incentivar a participación en actividades de transferencia do coñecemento e presentar as diferentes ferramentas dispoñibles para a interacción entre a universidade e o tecido socio-económico.

O programa, que consta de 7'5h distribuidas en 5 sesións, desenvolverase en formato virtual a través do Campus remoto da UVigo e permite a asistencia individual aos distintos seminarios propostos.

Entidades organizadoras

Ángeles López Lozano. Directora da Oficina de I+D (dirotri@uvigo.es)

Jose Jato Darriba. Técnico Superior I+D da Oficina de I+D (otri-valorizacion@uvigo.gal)

Información sobre o calendario (datas)

Prazas e créditos

Destinatarios/as

Os destinatarios do curso son:

• Comunidade investigadora da Universidade de Vigo
• Persoal xestor de centros, agrupacións e grupos de investigación da Universidade de Vigo

Obxectivos

Os principais obxectivos do curso son:

- Aumentar a capacitación do persoal de promoción e xestión da I+D+i.

- Dar a conocer os recursos, ferramentas e procedementos da UVigo para a xestión e a promoción da I+D+i.

- Afianzar a colaboración entre os diferentes servizos, oficinas, centros e grupos de investigación da UVigo na xestión e a promoción da investigación, a innovación e a transferencia.

Calendario

O calendario proposto para as distintas sesións é:

9 de abril: Por que transferir o coñecemento? (1,5 horas)

16 de abril: A colaboración universidade-empresa (1,5 horas)

23 de abril: A importancia da protección do coñecemento (1,5 horas)

30 de abril: A Valorización e as vías de explotación do coñecemento (1,5 horas)

7 de maio: Creación de empresas a partir dos resultados da investigación (1,5 horas)

Horario: de 09:30 a 11:00 horas

Modo de pagamento

O curso ten carácter gratuíto

Impartido en

O curso terá un formato virtual a través do campus remoto da UVIGO.

Observacións

Existe ademais a posibilidade de asistir individualmente aos diferentes seminarios.

Profesorado

Persoal da Oficina de I+D da Universidade de Vigo