Entidades organizadoras

Departamento de Ecoloxía e Bioloxía Animal

Prazas e créditos

Destinatarios/as

Destinatarios establecidos pola Deputación de Pontevedra

Condicións de acceso

1.Titulados/as universitarios de primeiro e segundo ciclo,
2.Alumnos/as da universidade,
3.profesionais directamente relacionados coa especialidade, sempre e cando reúnan os requisitos legais para cursar estudios universitarios, e
4.de xeito excepcional e sempre que non superen o 50% do total dos alumnos do curso, poderán ser admitidos ós mesmos profesionais relacionados coa especialidade que non reúnan os requisitos legais de acceso á universidade.

Criterios de selección

Proceso selectivo levado a cabo pola Deputación de Pontevedra

Calendario

HORARIO
Módulos teóricos
Luns-xoves 15:30 a 20:00
Módulo práctico V
15:00-20:00
Módulo práctico VI
9:30-13:30 e 15:00-19:00
Exames de maña 10:00-12:00

Programa

MÓDULOS TEÓRICOS:
Módulo 1. Estadio normativo actual. Experiencias en marcha en Galicia
Defínese o concepto lexislativo de residuos con especial atención a lexislación europea: plantexamento específico na xestión de bioresiduos coa nova Directiva 2018/851. Lexislación española relativa aos residuos municipais, programas de prevención e transposición da directiva de biorresiduos. Lexislación en Galicia, PXRUG (Plan de xestión de residuos urbanos de Galicia 2010-2020) e situación dos biorresiduos.
Estado da xestión dos residuos municipais en Galicia: experiencias en marcha.
O módulo será impartido por 9 docentes e constará de 18 horas.
Módulo II. Modelos de xestión de referencia en España e Europa
Análise dos modelos de xestión de residuos municipais, situación actual das recollidas selectivas dos biorresiduos en Europa e España. Historia e estado actual da xestión dos residuos de recollida selectiva en orixe e dos biorresiduos en experiencias relevantes.

O módulo será impartido por 7 docentes e constará de 18 horas.
Módulo III. O REVITALIZA (1ª PARTE)
Introducción científico/técnica á compostaxe: definición, descrición do proceso e tecnoloxías dispoñibles, centrándose na descrición pormenorizada da compostaxe a pequena escala (local) nas súas variantes monoespacio de fluxo vertical (individual ou doméstico) e triple espacio de fluxo horizontal (comunitario).
Descrición pormenorizada da estratexia do REVITALIZA levada a cabo pola Deputación de Pontevedra.
Mecanismos de trazabilidade de datos especificamente deseñados para o REVITALIZA.
O módulo será impartido por 5 docentes e constará de 18 horas, 2 horas serán a cargo dous docentes.
Módulo IV. O REVITALIZA (2ª PARTE)
Estado actual do REVITALIZA: descrición pormenorizada e exposición de datos dos obxectivos acadados. Se exporá especificamente os resultados dos 5 concellos adheridos a liña II do REVITALIZA e o concello de Pontevedra, así coma, datos de concellos adheridos con compostaxe comunitario en implantado.

O módulo será impartido por 15 docentes da Diputación de Pontevedra e constará de 18 horas que serán impartidas a cargo de varios docentes. Para a correcta explicación do REVITALIZA as sesións son impartidas por máis de un docente.
MÓDULOS PRÁCTICOS:
Módulo V. Técnicas de compostaxe individual (COIN) e compostaxe comunitario (CCC)
Actividades prácticas a desenvolver nos composteiros individuais e nos composteiros comunitarios en diferentes instalacións da provincia de Pontevedra.

Os alumnos dividiranse en 4 grupos de 10 alumnos que recibirán 5 horas de formación cada grupo a cargo de 3 docentes. As restantes 2 horas serán a cargo dun docente. Para a correcta formación prácticas as sesións son impartidas simultaneamente por máis de un docente.
Módulo VI. Técnicas analíticas de proceso y técnicas analíticas de producto
Sesións prácticas para o desenvolvemento dos proceso de compostaxe. Análise de parámetros dos compost.
Os alumnos dividiranse en 4 grupos de 10 alumnos que recibirán 8 horas de formación cada grupo a cargo de 4 docentes. As restantes 2 horas serán en conxunto a cargo de tres docentes. Para a correcta formación prácticas as sesións son impartidas simultaneamente por máis de un docente.

Modo de pagamento

O importe da matrícula é gratuita, segundo o establecido no convenio coa Deputación de Pontevedra

Titulación

A superación do curso dará dereito á obtención dun diploma expedido pola Universidade de Vigo.
Importe do diploma:

• De 1 a 5 créditos: 12,02 €
• De 6 a 10 créditos: 30,05 €
• A partir de 11 créditos: O mesmo importe que a Consellería de Educación e Ordenación Universitaria, mediante Decreto anual, fixa para os títulos oficiais a nivel de Diplomado ou equivalentes (60,10 € no curso académico 2011/2012).

A tramitación do diploma realízase no Servizo de xestión de Estudos de Posgrao:

Edificio Filomena Dato

2º andar - Campus de Lagoas-Marcosende
36310 - VIGO (Pontevedra)
Teléfono.: 986 816 554
E-mail: negociado.formacionpermanente@uvigo.es

Sistema de avaliación

A entrega e superación das tarefas propostas polo profesorado e os exames de cada módulo.