Entidades organizadoras

Facultade de Fisioterapia

Información sobre o calendario (datas)

Prazas e créditos

Destinatarios/as

O Curso está destinado a fisioterapeutas e a alumnos de Fisioterapia que, alomenos, no curso 2019-20 sexan de 2º curso do Grao.

Condicións de acceso

Ser diplomado/a ou graduado/a en Fisioterapia ou estar matriculado como alumno/a de 2º, 3º ou 4º curso do Grao en Fisioterapia no curso académico 2019-20.

Criterios de selección

Preferencia, e por esta orde: fisioterapeutas, alumnado de 4º curso, de 3º curso e de 2º curso.
Dentro de cada un destes grupos, por orde de preinscrición.

Calendario

Do 2 ao 4 e do 16 ao 18 de outubro de 2020.
Horario: VENRES 2 e 16 de outubro: de 15:30 a 20:30 horas; SÁBADOS 3 e 17 de outubro: de 9:00 a 14:00 horas e de 15:30 a 20:30 horas; e DOMINGOS 4 e 18 de outubro: de 9:00 a 14:00 horas.

Programa

MÓDULOS TEÓRICOS:
Fisioloxía das manipulacións
Concepto hipo-hipermobilidade
Indicacións das manipulacións con impulso
Contraindicacións das manipulacións con impulso
MÓDULOS PRÁCTICOS:
Valoración e biomecánica da cintura escapular, técnicas manipulativas (da cabeza umeral, da esternoclavicular, da acromioclavicular, da escápula e da 1ª costela) e casos clínicos (síndrome do desfiladeiro, impingement subacromial, cervicobraquialxia,...).
Valoración e biomecánica do cóbado, técnicas manipulativas (do cóbado, do radio e do cúbito) e casos clínicos (epicondilalxias, síndrome do pronador,...).
Valoración e biomecánica do pulso e da man, técnicas manipulativas (da radiocarpiana, dos osos do carpo, do 1º dedo e das metacarpofalánxicas) e casos clínicos (túnel carpiano, tendinite de De Quervain,...).
Valoración e biomecánica do pé, técnicas manipulativas (da tibia, do peroné, do astrágalo e calcáneo, do escafoide, cuboide e cuneiformes, das metatarsofalánxicas e do 1º dedo) e casos clínicos (fascite plantar, síndrome do canal tarsiano, entorse,...).
Valoración e biomecánica do xeonllo, técnicas manipulativas (do xeonllo, da tibia, do peroné, para menisco e ante un corpo estraño) e casos clínicos (síndrome de hiperpresión rotuliana externa, meniscite,...).
Valoración e biomecánica da cadeira, técnicas manipulativas (da cadeira e ante corpo estraño na mesma) e casos clínicos (bursite trocantérea, impingement femoroacetabular,...).

Modo de pagamento

O importe da matrícula é de 157  €. O pagamento farase efectivo en calquera oficina de ABANCA, indicando o código do curso, ademáis do nome, apelidos e DNI do alumno/a.

Titulación

A participación nas ensinanzas correspondentes a cursos complementarios dará dereito á obtención dun diploma de asistencia expedido pola Universidade de Vigo.

Sistema de avaliación

Existirá un control de asistencia: será obrigatoria a asistencia mínima do 80%
Efectuarase unha avaliación continua por parte do profesorado.