Descrición

A necesidade de formación específica no deseño de moda sentida pola sociedade, e desde o sector empresarial, é un fiel reflexo do impacto económico e dos seus axentes fundamentais no desenvolvemento de Galicia. O sector téxtil e de deseño en Galicia segue a ser un dos sectores produtivos con máis influencia no PIB do País, e a Universidade a través da oferta formativa específica no deseño de moda pretende aportar a innovación e competitividade empresarial a partir do estudio dos avances científicos, tecnolóxicos e sociais no sector.

Entidades organizadoras

Facultade de Belas Artes

Información sobre o calendario (datas)

Prazas e créditos

Destinatarios/as

Interesados en desenvolver a súa actividade profesional na industria téxtil e de moda

Obxectivos

Adquirir os coñecementos específicos dos procesos de desenvolvemento de produto de deseño de moda (prendas, complementos, etc)
Coñecer os procesos de fabricación, distribución, comercialización e comunicación de moda.
Coñecer as metodoloxías e o seu mellor axeitamento ás propostas de deseño en concordancia coa evolución tecnoloxía e industrial propia do sector.
Coñecer e aplicar as metodoloxías que faciliten o desenvolvemento do pensamento creativo.

Condicións de acceso

Para acceder ao título de ESPECIALISTA:
1.titulados/as universitarios de primeiro e segundo ciclo,
2.alumnos/as dunha licenciatura ou equivalente cos tres primeiros cursos superados, e
3.profesionais directamente relacionados coa especialidade do título que reúnan os requisitos legais para cursar estudios universitarios e acrediten un mínimo de 3 anos de experiencia profesional.

Criterios de selección

Nota media de expediente académico de acceso

Calendario

2 outubro de 2014 a 30 de xuño de 2016
Quenda única de tarde de 15:30 a 21:30

Programa

MÓDULOS TEÓRICOS:
Teoría e crítica do deseño de moda
Estilismo e estética (4 créditos)
Análise de tendencias (6 créditos)
Disciplinas Auxiliares en moda
Antropoloxía e socioloxía do consumo e da moda (4 créditos)
Administración de empresas e organización da produción (4 créditos)
Mercadotecnia da moda e loxística téxtil (4 créditos)
MÓDULOS PRÁCTICOS:
Prácticas en empresas
Estancia entre 500 e 600 horas en empresas do sector
Fotografía e deseño gráfico de moda
Fotografía aplicada ó deseño e á moda (6 créditos)
Creación do porfolio (4 créditos)
Estampación Téxtil
Deseño de moda por ordenador e novas tecnoloxías aplicadas (10 créditos)
Tecnoloxía de procesos e ennobrecementos de materias téxtis (5 créditos)
Taller de deseño Profesional
Modelismo e prototipos (moulage) (4 créditos)
Proxectos de deseño textil e moda II (8 créditos)
Xéneros de punto ( 6 créditos)
Procesos e principios básicos do deseño
Fundamentos Artísticos II (9 créditos)
Expresión Artística (5 créditos)
Proxectos e talleres de deseño
Proxectos de deseño textil e moda I (6 créditos)
Patronaxe industrial e escalado de tallas (6 créditos)
Tecnoloxías téxtis e operacións básicas (5 créditos)
Patronaxe por ordenador (6 créditos)

Modo de pagamento

O importe da matrícula do curso completo de Especialista é de 6.065,57 € (aproximadamente 3000 € por cada ano académico), con posibilidade de obtención dunha bolsa de 475,85 €.

O pagamento farase efectivo en calquera oficina de ABANCA (NCG Banco), indicando o nome e código do curso, ademáis do nome, apelidos e DNI do alumno/a.

Impartido en

Facultade de Belas Artes

Observacións

Presentación Curso:

Xoves 2 de outubro ás 17,30 horas no espazo 25

Titulación

Unha vez considerados aptos, aos alumnos/as expediráselles o título de ESPECIALISTA EN DESEÑO DE MODA

Sistema de avaliación

Traballos para expor ou entregar nas clases teóricas e prácticas.
Exames.
80% de asistencia ás sesións presenciais.