Entidades organizadoras

ORGANIZA
Facultade de Filoloxía e Tradución

COLABORA:
Consellería de Traballo

Información sobre o calendario (datas)

Período de preinscrición	01/09/2005 00:00 - 10/10/2006 00:00
Período de matrícula	16/10/2005 00:00 - 30/10/2006 00:00
Período de docencia	02/11/2006 - 27/07/2007

Prazas e créditos

Número mínimo de participantes	10
Número máximo de participantes	40
Créditos teóricos	43.2
Créditos prácticos	6

Destinatarios/as

O colectivo de potenciais destinatarios é moi amplo. As institucións públicas (vg. concellos, câmaras, mancomunidades, deputacións, distritos, etc..) teñen interese obxectivo en dispor de especialistas en políticas públicas comunitarias. Así mesmo, as entidades privadas que desenvolven a súa actividade en sectores moi influídos pola actividade dos órganos comunitarios. No ámbito dos estudantes, a Universidade de Vigo conta con titulacións no ámbito xurídico social que demandarían este tipo de ensinos (Dereito, Economía, Empresas, Traballo Social, Xestión e Administración Públicas, Relacións Laborais...).

Obxectivos

En liñas xerais, o obxectivo do programa consiste na formacion de persoas con sólidos coñecementos da Unión Europea nas súas verquentes organizativas e funcionais, dotándoas de ferramentas prácticas para contextualizar as políticas públicas comunitarias nunha rexión concreta e para tirar proveito das mesmas ao obxecto de contribuír a un maior desenvolvemento rexional.

De xeito máis específico os obxectivos serían:

• Estudiar as institucións comunitarias máis esenciais, con particular atención ao Consello e á Comisión.
• Coñecer os principais eixos de actuación da Unión Europea e das súas políticas nos seus elementos configuradores.
• Expoñer as políticas públicas comunitarias de desenvolvemento rexional e as institucións báscicas que soportan as devanditas políticas.
• Describir os programas máis interesantes de actuación a curto, medio e longo prazo da Unión Europea.
• Coñecer a realidade socio-económica da Eurorrexión.
• Analizar as políticas públicas comunitarias con máis incidencia na eurorrexión Galicia-Norte de Portugal.
• Deseñar estratexias de desenvolvemento socio-económico da eurorrexión en función desas políticas.

Condicións de acceso

Para acceder ao título de MASTER:
1.titulados/as universitarios.

Criterios de selección

Primarase o expedente académico dos candidatos. En segundo lugar o seu expediente profesional. Para o caso de que se establezan convenios con corporacións locais poderase reservar para os seus empregados públicos con titulación universitaria ata o 50% das prazas ofertadas

Calendario

Data de inicio dos créditos teóricos: 02/11/2006
Data de finalización dos créditos teóricos: 27/07/2007.
Data de inicio dos créditos de titorías: 02/11/2006
Data de finalización dos créditos de titorías: 27/07/2007
As sesións serán os mércores, xoves e venres de 16:30 a 20:30 horas.
Data de inicio dos créditos prácticos: 02/11/2006
Data de finalización dos créditos prácticos: 27/07/2007.

Programa

MÓDULOS TEÓRICOS:

• Teorías políticas da integración europea
• Coñecemento e análise das principais teorías políticas sobre a integración europea tanto as de tendencia federalista como as intergobernamentalistas.
• Gobernanza multinivel, rexións e federalismo na UE
• Análise e interpretación das teorías políticas da gobernanza multinivel e do federalismo na emerxencia das rexións como actores políticos da construción europea. Análise do entramado institucional da Eurorrexión Galicia-Norte de Portugal.
• Cooperación transfronteriza e construción europea: bases e evolución
• Análise histórico comparado do nacemento e da evolución da cooperación transfronteiriza en Europa.
• Fundamentos xurídicos da cooperación transfronteiriza
• Análise comparada dos fundamentos e instrumentos xurídicos nos que se sustenta a cooperación transfronteiriza en Europa.
• Políticas de cohesión económica e social: bases xurídicas, competencias, instrumentos, perspectivas
• Análise e interpretación xurídica das políticas de cohesión económica e social, ámbito competencial e instrumentos que a fan posible. Especial atención ás perspectivas financeiras do período 2007-2013.
• Institucións do sistema político da Unión Europea
• Análise do sistema político da Unión Europea ao través das súas institucións, órganos e axencias.
• Procesos políticos europeos e eurorrexionais
• Identificación dos actores políticos e análise dos procesos comunitarios con especial atención aos que afectan á cooperación transfronteiriza.
• A estructura demográfica da Eurorrexión
• Coñecemento e análise das principais variables da demografía da eurorrexión Galicia-Norte de Portugal.
• A fiscalidade en España e Portugal e a cooperación transfronteiriza
• Análise dos sistemas fiscais español e portugués naqueles aspectos que teñen relación co ámbito da cooperación transfronteiriza.
• Sociedade rural, sociedade urbana, cambio social e desenvolvemento na Eurorrexión
• Análise e interpretación da realidade social, rural e urbana, da eurorrexión desde a perspectiva do cambio social e o seu impacto nas políticas de desenvolvemento.
• Traballo, Ciencia e Educación
• Análise e interpretación da realidade socioeducativa da eurorrexión e do impacto nela de teorías e políticas de formación, ciencia e emprego
• A acción cultural social e institucional no ámbito da Eurorrexión
• Análise e interpretación da acción cultural social e institucional na eurorrexión e o seu impacto nas políticas de desenvolvemento
• A cooperación económica
• Análise e interpretación da cooperación económica entre Galicia e o Norte de Portugal, con especial atención ao impacto na mesma das políticas comunitarias de cohesión económico-social.
• Administración e xestión local na Eurorrexión
• Análise comparado dos sistemas de administración pública galego e portugués. Análise e interpretación da xestión local na eurorrexión con especial atención as fortalezas e debilidades da mesma en relación coa cooperación transfronteiriza.
• Estratexias de desenvolvemento económico na eurorrexión
• Análise e interpretación das distintas estratexias de desenvolvemento eurorrexional posibles, con especial referencia ao papel que nelas poden xogar as políticas comunitarias.
• Tecnoloxía. I+D e sociedade da información
• Análise e interpretación das políticas comunitarias neste ámbito e da súa aplicación ao espacio da eurorrexión.
• O espacio comunicacional eurorrexional
• Coñecemento e análise da situación actual do espacio comunicacional eurorrexional e do seu impacto nas políticas de desenvolvemento.
• Aspectos sociais das políticas comunitarias e da cooperación transfronteiriza
• Análise e interpretación dos aspectos sociais máis relevantes das politicas comunitarias no ámbito da cooperación transfronteiriza entre Galicia e o Norte de Portugal.
• Aspectos xurídico-privados das políticas comunitarias e da cooperación transfronteiriza
• Análise e interpretación dos aspectos xurídico-privados máis relevantes das politicas comunitarias no ámbito da cooperación transfronteiriza entre Galicia e o Norte de Portugal.
• As políticas de medio ambiente
• Análise e interpretación das políticas comunitarias neste ámbito e da súa aplicación ao espacio da eurorrexión.
• As políticas sociais comunitarias e o desenvolvemento eurorrexional
• Análise e interpretación das políticas comunitarias neste ámbito e da súa aplicación ao espacio da eurorrexión.
• Política de consumo
• Análise e interpretación das políticas comunitarias neste ámbito e da súa aplicación ao espacio da eurorrexión.

MÓDULOS PRÁCTICOS:

• Practicum
• Realización dunha estancia en institucións e organizacións públicas ou privadas ou empresas para traballar en aspectos relacionados cos contidos do Master, baixo a supervisión dun titor que será profesor do Master.

Modo de pagamento

A matrícula no curso completo terá un prezo de 1000 euros.

Ofertaranse 6 bolsas por un importe de 500 euros cada unha.

Titulación

Requerirase superar a avaliación e asistir ao 85% das clases presenciais.

Unha vez considerados APTOS, aos alumno/as expediráselles o título de Máster en Políticas comunitarias, desenvolvemento e cooperación transfronteiriza

Sistema de avaliación

Avaliación continua e memoria de prácticas