Descrición

Co obxectivo de que o alumnado da Universidade de Vigo coñeza os sectores produtivos galegos, as empresas e os seus emprendedores, prográmase un ciclo de visitas a diferentes empresas e encontros cos seus emprendedores. A finalidade última do programa é que, a partir dese coñecemento, se xeren ideas de mellora que nun futuro podan derivar en novos proxectos empresariais (emprendemento) ou ben en proxectos de mellora e innovacións en empresas xa asentadas no mercado (intraemprendemento).

A actividade desenvolverase ao longo de varios mércores dos meses de outubro e novembro de 2013. Durante os 6 primeiros mércores vivirase a experiencia dentro das empresas elixidas previamente.

O 7º mércores traballarase unha posta global en común polos estudantes e os responsables do proxecto, así como profesores, xestores públicos e empresarios invitados á sesión para volcar as experiencias acumuladas nos 6 días anteriores nunha reunión conxunta.

Ao longo do ciclo de visitas a empresas, o alumnado, coa aprendizaxe adquirida, presentará ideas e propostas de mellora que, baixo a súa consideración, podan supor unha achega positiva para algunha das empresas visitadas. Os empresarios e empresarias valorarán as ideas presentadas polo alumnado e na sesión final do curso entregarase o Premio á Mellor Idea de Mellora do curso.

Entidades organizadoras

Vicerreitoría de Transferencia do Coñecemento (Cátedra Bancaja de Xoves Emprendedores)

Páxina web do curso

Información sobre o calendario (datas)

Prazas e créditos

Destinatarios/as

Este proxecto formativo diríxese, preferentemente, a estudantes do Mestrado Universitario en Creación, Dirección e Innovación na Empresa, e, en xeral, a todos os estudantes (preferentemente de mestrado e últimos cursos) e recén egresados de todas as titulacións da Universidade de Vigo.

Condicións de acceso

1.membros da comunidade universitaria, e
2.persoas alleas á mesma que acrediten uns estudos mínimos equivalentes a 2º de bacharelato.

Criterios de selección

Seleccionaranse un máximo de 25 alumnos/as.
Asignaranse as prazas dispoñibles por rigorosa orde de solicitude de inscrición na plataforma BUBELA.

Programa

Horario: aprox. de 09:00 a 14:00 horas (incluíndo o tempo de traslado en autobús desde a Universidade ás empresas a visitar).

MOI IMPORTANTE: Tanto o horario como os días das visitas poden verse suxeitos a cambios, por necesidades das empresas colaboradoras.

Modo de pagamento

Matrícula gratuíta.

Impartido en

Campus de Ourense.

Lugar saída do autobús para as empresas: Facultade de Ciencias Empresariais e Turismo (Campus de Ourense)

Sistema de avaliación

Para que se considere superado o Curso, os participantes deberán:

1. Asistir como mínimo a 5 das 6 visitas programadas.
2. Asistir á actividade final "Aprendendo do aprendido".
3. Propor, cando menos, unha "idea de mellora" para unha das empresas visitadas.