Entidades organizadoras

Escola de Enxeñaría Industrial (EEI)

Información sobre o calendario (datas)

Prazas e créditos

Destinatarios/as

- Titulados en Enfermaría, Medicina, Fisioterapia e Bioloxía que desexen adquirir formación teconolóxica que lles permita aplicar principios e métodos da enxeñería para a aplicación a resolución de problemas e comprender mellor o funcionamento de equipamento e dispositivos bio-médicos.

- Enxeñeiros e titulados en Bioloxía e Química que desexen adquirir unha formación básica de medicina para desenvolver a súa actividade no ámbito das ciencias da saúde.

Obxectivos

Non hai dúbida de que o avance imparable que ten experimentado a medicina na segunda metade do século XX e no comezo do presente, sería imposible sen a aportación de novas e avanzadas tecnoloxías, que permiten o desenvolvemento de novas solucións a problemas problemas médicos e sociais relacionados coas enfermidades e discapacidades.

O progresivo envellecemento da poboación mundial, especialmente nos países desenvolvidos, está a crear unha demanda crecente de servizos ós que a medicina debe dar resposta de xeito eficaz, non só para para lograr unha mellora da saúde e calidade de vida dos pacientes, senón para optimizar os beneficios derivados dos recursos invertidos para este propósito.

Deste xeito, a axeitada selección e emprego de tecnoloxías sanitarias, xunto coa investigación científica, o desenvolvemento e a innovación tecnolóxica constitúen instrumentos imprescindibles. A Enxeñería Biomédica da resposta a esta necesidade, xa que é precisamente a disciplina que aplica os principios e métodos da enxeñería á comprensión, definición e resolución de problemas biolóxicos e médicos.

Neste contexto, a demanda de enxeñeiros para o deseño, fabricación, avaliación e certificación, instalación, reparación e modificación e adestramento no uso de equipos tecnolóxicos no campo da medicina é crecente. O que fai necesario completar a formación destes profesionais con coñecementos básicos de anatomía, fisioloxía e bioquímica humana xunto con outros relativos ao funcionamento do Sistema Sanitario e as normas e protocolos que deben ser considerados.

Pero no é menor a necesidade que os profesionais das ramas sanitarias e biolóxicas teñen de comprender as bases de funcionamento de sistemas, equipamentos e produtos sanitarios complexos que de xeito cada vez máis habitual empregan nas súas funcións. Isto crea a demanda de mellorar a súa formación tecnolóxica, permitindo a súa adecuación aos continuos cambios tecnolóxicos.

Este curso de especialización xurde polo tanto cos seguintes OBXECTIVOS:

- Complementar a formación dos profesionais procedentes da medicina, bioloxía ou fisioterapia, para que adquiran a formación tecnolóxica que lles permitan comprender e desenvolver mellor as súas funcións nun ámbito progresivamente máis tecnificado.

- Ampliar a formación dos alumnos procedentes das ramas da enxeñería cos coñecementos básicos de medicina que lles permitirán unha capacitación laboral axeitada para postos de traballo especializados en tecnoloxía médica.

- Capacitar aos alumnos para lograr unha interlocución axeitada entre especialistas en ciencias da saúde e enxeñería que permita unha colaboración eficaz en grupos de traballo cada vez máis interdisciplinares.

- Achegar ós alumnos a algúns dos campos de investigación da enxeñería biomédica, fomentando o seu interese pola innovación tecnolóxica neste ámbito.

Condicións de acceso

Poderán acceder ao título de ESPECIALISTA:

1. Os titulados/as universitarios de primeiro e segundo ciclo

2. Os alumnos/as dunha licenciatura ou equivalente cos tres primeiros cursos superados.

3. Os profesionais directamente relacionados coa especialidade do título que reúnan os requisitos legais para cursar estudios universitarios e acrediten un mínimo de 3 anos de experiencia profesional.

Criterios de selección

1.- Ter finalizados os estudos universitaros
2.- Adecuación da titulación
3.- Expediente académico
4.- Entrevista persoal

Calendario

- Os estudos desenvolveránse no segundo semestre
- Docencia presencial os Xoves e Venres de 16h a 20h, na Escola de Enxeñería Industrial (Sede Campus)
- Posibilidade de realización de prácticas en horario de mañán de xeito puntual

Programa

MÓDULOS TEÓRICOS:
T01- Anatomía humana aplicada
Farase unha introducción ó concepto de anatomía e histoloxía humana. Levarase a cabo o estudo anatómico e fisiolóxico do aparato locomotor e a introducción a cinesioloxía muscular. Asímesmo, realizarase o estudo dos diferentes aparatos e sistemas corporais como son o aparato respiratorio, dixestivo, xenitourinario, sistema cardiovascular e endócrino, así como os órganos dos sentidos
T02- Introdución á Bioquímica
Revisarase o concepto de principios inmediatos (carbohidratos, proteínas, lípidos) e o metabolismo enerxético dos mesmos. Asímesmo levarase a cabo o estudo das diferentes disolucións ácido – base e o concepto de equilibrio hidroelectroquímico relacionado cos conceptos anteriores. Finalmente farase un breve percorrido polas bases da xenética elemental.
T03- Bioenxeñería Clínica
Coñecer as características clínicas das enfermidades mais importantes e o mesmo tempo, tamén, coñecer os métodos diagnósticos actuais tanto a nivel de laboratorio como de transmisión de imaxes para poder orientar ó alumnado a identificar novos métodos diagnósticos
Describir as principais armas terapéuticas con que contamos actualmente e sentar as bases para abrir novas vías de investigación que engloben os biomateriais e as técnicas mais vangardistas

T04- Modelos organizativos sanitarios
Analizaranse os novos modelos baseados na integración dos diferentes niveis de coidados para facer fronte aos cambios culturais e ao aumento das enfermidades crónicas. Enuméranse as diversas medidas propostas para mellorar a calidade e a eficiencia dos servizos prestados.

T05- Lexislación e normativas básicas
Daranse a coñecer ó alumnado as diferentes normas técnicas aplicables á avaliación de productos e a avaliación epidemiolóxica da tecnoloxía sanitaria.
As técnicas de valoración da eficacia, efectividade seguridade dos procesos sanitarios e das tecnoloxías sanitarias. Criterios de seguridade

T06-Telemedicina
Introducirase o concepto de telemedicina como prestación de servizos de medicina a distancia, que permite a optimización dos servizos de atención en saúde e a comunicación entre os diferentes profesionais médicos. Faráse unha revisión das súas utilidades nas diferentes disciplinas médicas como son radioloxía, dermatoloxía, anatomía patolóxica, servizos de enfermería, HADO e outras.
T07- Bases físicas da bioinxeñería
Neste módulo adicaremos uns primeiros temas introdutorios, centrados en proporcionar os principios físicos (carga, corrente, voltaxe, potencia e enerxía) nos que se basean as medidas de variables biolóxicas (temperatura, presión, biopotenciais, etc.)
T08- Instrumentación biomédica
Estudiaráse a instrumentación biomédica, analizando as principais medidas que caracterizan aos distintos sistemas do corpo humano e o equipamento que permite adquirilas. Tamén estudiaranse os láseres de uso biomédico (fundamentos, características, fibra óptica, rango, efecto terapéutico, técnicas de medida, óptica biomédica)
T09- Materiais para Bioenxeñería
Revisarnase os conceptos básicos relacionados coa estrutura dos materiais e as súas propiedades, tanto masivas como superficiais. Presentaranse os principais tipos de materiais, destacando as características que os fan adecuados para o seu emprego en medicina (metais, polímeros, cerámicos, vidros e vidros cerámicos, compostos e materiais naturais). Tamén describiranse as principais técnicas que permiten caracterizar a estrutura e propiedades dos distintos materiais.
T10- Corrosión en medios fisiolóxicos
Estudaranse os procesos de degradación que sofren os materiais en contacto cun medio agresivo, caracterizando os distintos tipos de corrosión. Prestarase especial atención a analizar os factores específicos que afectan aos materiais nos fluídos fisiolóxicos. Revisaranse as distintas técnicas de modificación superficial que se empregan na actualidade para mellorar a resistencia mecánica e á corrosión dos biomateriais.
T11- Enxeñería Biomecánica
Presentaranse os conceptos biomecánicos básicos que permitirán ao alumno comprender as cargas e movementos do sistema músculo esquelético, e a dinámica dos fluídos fisiolóxicos. Introduciranse conceptos relativos ao deseño e ergonomía. Realizarase unha introdución aos modelos numéricos en biomecánica que permiten realizar simulacións e predicións sobre o comportamento dos sistemas biolóxicos.
T12- Productos sanitarios e biomateriais
Definición e clasificación de produto sanitario e biomaterial. Especialistas nos distintos campos, expoñen exemplos de aplicación de diversos produtos sanitarios e biomateriais en cinco áreas básicas da medicina; como traumatoloxía e ciruxía ortopédica, cardioloxía, otorrinolaringoloxía, odontoloxía e oftalmoloxía
T13- Enxeñería dos tecidos
Abordaranse as bases da enxeñería de tecidos, nova área de investigación claramente interdisciplinar que ten como obxectivo resolver problemas clínicos e cirúrxicos asociados coa perda de tecidos ou fallo funcional de órganos vitais. Trataranse os aspectos físicos e biolóxicos, así como o deseño e utilización de dispositivos tridimensionais (andamiaxes-scaffolds) porosos que estimulan ou favorecen a reparación ou restauración dun órgano ou tecido vivo. Presentaranse os procesos biomiméticos e probas celulares in vitro máis amplamente utilizadas, así como casos particulares de tecidos e órganos obtidos mediante bioenxeñería.
MÓDULOS PRÁCTICOS:
P01-Prácticas de Anatomía humana aplicada
Realizaranse prácticas básicas de identificación de estructuras corporais e anatomía funcional en base ós diferentes aparatos e sistemas estudados.
P02- Prácticas de Bioquímica
O alumnado realizará prácticas de laboratorio de identificación dos diferentes bioelementos (carbohidratos, proteínas, lípidos). Asímesmo, realizarán exercicios prácticos de revisión dos conceptos de equilibrio ácido- base e dilucións de laboratorio. Finalmente, realizarase unha sesión formativa na que se poderán observar os diferentes pasos para a realización dunha técnica de PCR para a identificación do ADN dunha mostra biolóxica
P03- Prácticas de Bioenxeñería clínica
O alumnado realizará prácticas das diferentes patoloxías, e tamén fará simulacións de casos clínicos. O obxectivo final é que sexa capaz despois de reorientar os diagnósticos e a terapéutica cara ás novas tecnoloxías. Tamén, de resolver con mais acerto e menos efectos secundarios as complicacións mais frecuentes derivadas do tratamentos médicos e/ou cirúrxicos.
P04- Prácticas asociadas a Modelos organizativos sanitarios
Realizarase unha análise dos diversos modelos organizativos existentes na actualidade e faranse estudos prácticos comparativos baseándose na equidade e os custos.
P05- Prácticas asociadas a Lexislación e normativas básicas
Daranse a coñecer ó alumnado os modelos das axencias de avaliación da tecnoloxía sanitaria.
P06- Prácticas asociadas a Telemedicina
O alumnado realizará prácticas sinxelas no manexo das TICs aplicadas a telemedicina nas diferentes disciplinas médicas (radioloxía, dermatoloxía, anatomía patolóxica, servizos de enfermería, HADO, etc).
P07- Prácticas asociadas a Bases físicas da bioenxeñería
Relizaranse prácticas para a comprensión dos principios físicos básicos como circuitos en serie e paralelo, medida da carga, condución térmica, etc.
P08- Prácticas asociadas á Instrumentación biomédica
Levaranse a cabo diversas prácticas para que o estudante comprenda os principios de funcionamento e características básicas dos equipos de instrumentación que de xeito habitual atópanse nun hospital. Farase especial fincapé nos sensores biomédicos, analizando a súa precisión, rango, resolución, reproducibilidade e tipos. Asemade faranse prácticas relativas ao emprego do láser para a comprensión do funcionamento dun láser, tipos de equipos e especificacións técnicas para o seu correcto uso.
P09- Prácticas asociadas a Materiais para Bioenxeñería
Os alumnos realizarán prácticas de caracterización microestrutural de diversos materiais, empregando técnicas de microscopía óptica e electrónica, técnicas de caracterización térmica e de difracción de RX. Tamén levarán a cabo diferentes ensaios de caracterización de propiedades superficiais (perfilometría, desgaste, microdureza) e masivas (tracción, tenacidade).
P10- Prácticas de Corrosión en medios fisiolóxicos
Levaranse a cabo prácticas sinxelas para que o alumnado comprenda os principios da corrosión dos materiais e dos ensaios que se empregan para a súa determinación. Verificarase a importancia de factores como pH, T, tensión...etc
P11- Prácticas asociadas a Enxeñería Biomecánica
Levaranse a cabo prácticas de simulación mediante programas informáticos específicos de cargas en osos e articulacións (deformacións, roturas...). Asemade veranse exemplos da aplicación de programas de simulación ao estudio de fluídos biolóxicos
P12- Prácticas asociadas a Productos sanitarios e biomateriais
Neste módulo médicos especialistas nas áreas de traumatoloxía, ciruxía ortopédica, cardioloxía, otorrinolaringoloxía, odontoloxía e oftalmoloxía, presentarán diversos casos prácticos das súas especialidades.

P13- Prácticas asociadas á Enxeñería dos tecidos
Realizaranse prácticas sobre a fabricación de andamiaxes porosos tridimensionais. Tamén levaránse a cabo prácticas sobre protocolos celulares in vitro e procesos biomiméticos.
P14- Visitas guiadas a centros e servizos
Realizaranse visitas guiadas rotatorias aos diferentes centros e servizos que colaboran no desenvolvemento do curso de especialización. Corresponden aos módulos T01-T05, T12 e T13.

Modo de pagamento

Importe da matrícula: 600,00€, con posibilidade de obter unha bolsa de 120,00€.

O pagamento farase efectivo en calquera entidade de NGB, indicando o nome ou o código do curso.

Sistema de avaliación

1.- Valorarase a asistencia, polo que levarase control estrito da mesma.
2.- Avaliación contínua por módulos, que constará de probas teórico-prácticas. O detalle das mesmas facilitaráse ao comezo de cada módulo.