Descrición

Moitos traballos de investigación requiren para a súa realización o manexo de datos e a necesidade de extraer, con procedementos estatísticos axeitados, a información contida nos mesmos. Neste senso, a utilización dun programa estatístico pode resolver esas necesidades de formación pola súa facilidade de uso.
Así, o curso "Análise estatística de datos con soporte informático" está pensado para ser eminentemente aplicado e práctico (os coñecementos matemáticos precisos serán moi básicos), cunha introducción permanente de exemplos aplicados e multidisciplinares, propostos e resoltos coa axuda do paquete estatístico SPSS.

Información sobre o calendario (datas)

Período de preinscrición	05/05/2004 00:49 - 18/06/2004 23:49
Período de matrícula	27/05/2004 00:55 - 18/06/2004 23:55
Período de docencia	21/06/2004 - 24/06/2004

Prazas e créditos

Número mínimo de participantes	26
Número máximo de participantes	28
Créditos teóricos	0
Créditos prácticos	2
Validación de libre elección	1

Destinatarios/as

1. Alumnos de Terceiro Ciclo.
2. Docentes e Investigadores da Universidade.
3. Persoal da Administración Pública ou Profesionais de Empresas Privadas.

Obxectivos

O obxectivo fundamental deste curso é proporcionar ós alumnos coñecementos estatísticos básicos para utilizar e analizar datos cuantitativos e cualitativos.
Con este fin, o curso estructúrase en dúas partes fundamentais: a primeira relacionada coas cuestións operativas relacionadas coa xestión de arquivos (introducción e edición de datos, selección e segmentación, fusión de arquivos, ...) e a segunda dedicada ós procedementos para realizar análises estatísticas básicas (análise exploratoria gráfica, medidas descritivas, táboas de continxencia , comparación de poboacións, etc.

Condicións de acceso

Poderán solicitar o acceso a este curso todas as persoas interesadas na utilización de ferramentas estatísticas para o tratamento de arquivos de datos, que acrediten uns estudios mínimos equivalentes a 2º de bacharelato.

Criterios de selección

Concederanse un máximo de 6 bolsas que suporán a reducción de 18€ do prezo da matrícula completa (80€), priorizando a súa concesión ó alumnado en paro ou con menos recursos económicos.
Para teren acceso ás bolsas, os alumnos deberán solicitalas na preinscrición. A concesión das bolsas será comunicada ós interesados pola Dirección do Curso e suporá que estes alumnos terán opción á matrícula reducida (62€) e que deberán dipoñer de ordenador portátil para o seguimento das clases.

Calendario

Preinscrición e matrícula: Ata o 18/06/2004, se quedan prazas vacantes.

Programa

LUNS 21 DE XUÑO DE 2004 DE 16 A 21 HORAS
MÓDULO 1: XESTIÓN DOS ARQUIVOS DE DATOS
Introducción de datos. Selección, ordenación e ponderación de casos. Segmentación e transformación. Fusión de arquivos.

MARTES 22 DE XUÑO DE 2004 DE 16 A 21 HORAS
MÓDULO 2: ANÁLISE UNIDIMENSIONAL
Análise descritiva dunha variable. Contrastes de hipóteses para a media. Tests de bondade de axuste e probas de independencia.

MÉRCORES 23 DE XUÑO DE 2004 DE 16 A 21 HORAS
MÓDULO 3: ANÁLISE BIDIMENSIONAL
Análise descritiva de dúas variables. Comparación de medias para mostras relacionadas e para mostras independentes. Contrastes non paramétricos.

XOVES 24 DE XUÑO DE 2004 DE 16 A 21 HORAS
MÓDULO 4: ANÁLISE DA VARIANZA (ANOVA)
Análise da varianza cun factor (táboa, comparacións post hoc e contrastes polinómicos). Análise de varianza factorial (táboa, comparacións post hoc, análise da covarianza).

Modo de pagamento

Matrícula completa: 80€.
Matrícula reducida: 62€ (consultar criterios de selección).

Impartido en

LUGAR DE CELEBRACIÓN: Facultade de Ciencias Sociais e da Comunicación (Pontevedra).
DATAS DO CURSO: Do 21/06/2004 ó 24/06/2004.
HORARIO DO CURSO: De 16 a 21 horas.

Titulación

Para acadaren o Diploma, o alumnado deberá asistir a un mínimo do 80% das horas de clase.
Unha vez considerados aptos, ós alumnos expediráselles un Diploma que acredite a súa participación no curso complementario “Análise estatística de datos con soporte informático”.

Profesorado

Módulo 1: José Vicente Novegil Souto
Módulo 2: María del Carmen Iglesias Pérez
Módulo 3: Ricardo Luaces Pazos
Módulo 4: María del Pilar García Soidán

Sistema de avaliación

A avaliación será continua e terase en conta a asistencia a clase e a resolución dos exercicios prácticos que se propoñan nos distintos módulos.