Descrición

O curso “A creación de contidos didácticos para a docencia online” insírese dentro das accións formativas institucionais da Universidade de Vigo para o ano 2010. As devanditas accións formativas están organizadas pola Vicerreitoría de Alumnado, Docencia e Calidade.

Información sobre o calendario (datas)

Período de matrícula	14/07/2010 12:00 - 12/10/2010 23:59
Período de docencia	14/10/2010 - 12/11/2010

Prazas e créditos

Número mínimo de participantes	0
Número máximo de participantes	20

Destinatarios/as

O curso está destinado a todo o profesorado da Universidade de Vigo con coñecementos elementais de informática.

Criterios de selección

Ofértanse 20 prazas que se irán cubrindo por rigorosa orde de preinscrición.

Obxectivos

A finalidade do curso é proporcionar ao profesorado un método sistemático na elaboración e adaptación de contidos para a docencia online.

•   Coñecer as características e posibilidades do ensino virtual.
•   Adquirir os coñecementos necesarios para deseñar e estruturar os contidos dunha materia virtual.
•   Coñecer as características máis relevantes para un bo material escrito para a docencia virtual.
•   Achegar ideas e solucións para activar a implicación do alumnado no curso.
•   Definir os novos roles e funcións docentes que debe exercer o profesorado nos contornos virtuais de aprendizaxe.

Profesorado

SONIA ÁLVAREZ LÓPEZ

Programa

Bloque 1: Taller presencial

“Presentación do grupo e do contorno virtual de aprendizaxe” (2 horas)

A sesión será fundamentalmente práctica, a partir da presentación, de xeito sintético, dos principios teóricos do tema formularanse unha serie de actividades (individuais e en grupo) que se compartirán ao longo da sesión de traballo.

Obxectivos:

• Dar a coñecer os obxectivos, contidos e actividades do curso.
• Coñecer os participantes do curso.
• Coñecer o funcionamento da plataforma virtual.

Bloque 2: Taller virtual

“Introdución á creación de materiais e recursos didácticos para a docencia online” (16 horas)

Terá unha duración de 16 horas e desenvolverase na plataforma Moodle (FaiTIC) da Universidade de Vigo, por medios asíncronos. Disporase dun material de lectura e consulta e estableceranse unha serie de actividades para realizar neste período de tempo.

Obxectivos:

• Coñecer as características e posibilidades do ensino virtual.
• Adquirir os coñecementos necesarios para deseñar e estruturar os contidos dunha materia virtual.
• Coñecer as características máis relevantes para un bo material escrito para a docencia virtual.
• Achegar ideas e solucións para activar a implicación do alumnado no curso.
• Coñecer cales son as funcións e os cambios do rol docente na virtualidade.
  

Contidos:

1. A teleformación. Características, vantaxes, inconvenientes, modelo educativo.
2. Como elaborar un modelo de curso. A interactividade. A estrutura do curso. A estrutura das unidades de aprendizaxe. Proposta dun modelo de unidade de aprendizaxe. Aplicación práctica
3. Pautas para o deseño de contidos en contornos virtuais. Extensión dos contidos. Escribir para a web. Requisitos mínimos de redacción. Como mellorar a comprensión. Características tipográficas do texto. Formato dos contidos. Normas para as referencias bibliográficas. Consellos para facer o curso máis atractivo e fácil de usar
4. Cómo facer traballar ao alumnado: actividades e avaliación.
5. Novos roles e funcións docentes nos contornos virtuais de aprendizaxe.

Bloque 3: Taller presencial

“Compartindo a experiencia nos entornos virtuais” (2 horas)

Compartimento de experiencias, coñecementos e propostas en ambientes virtuais e reflexión sobre elas.

Obxectivos:

• Promover o intercambio de información entre o profesorado, compartindo a experiencia e o coñecemento.

Bloque 4: Taller presencial

“Peche do curso” (2 horas)

A última sesión presencial destinarase a efectuar un resumo do curso, así como a aclarar calquera dúbida sobre os contidos do mesmo.

Obxectivos:

• Aclarar dúbidas, debatir propostas e elaborar conclusións.

Calendario

Trátase dun curso semipresencial, cunha duración aproximada de dezaseis horas para a parte virtual e tres sesións presenciais de dúas horas cada unha.

Bloque 1. Taller presencial:

Impartirase o día 14 de outubro de 17:00-19:00 horas.

Bloque 2. Taller virtual:

Do 15 de outubro ó 10 de novembro a través da plataforma Moodle.

Bloque 3. Taller presencial:

Impartirase os días 11 e 12 de novembro de 17:00-19:00 horas.

Impartido en

14 de outubro: aula T105 da E.T.S.E de Telecomunicacións.

11 e 12 de novembro na aula M-103 da E.T.S.E. de Minas.

Campus de Vigo

Observacións

CERTIFICADO DE ASISTENCIA:
A asistencia ao curso será certificada pola Universidade de Vigo a todas aquelas persoas inscritas que asistan ás tres sesións presenciais completas, participen satisfactoriamente na parte virtual e participen de modo activo a través do foro.