Descrición

Este curso ten como obxectivo que o alumnado sexa capaz de comprender e utilizar expresións cotiás de uso moi frecuente, así como frases sinxelas destinadas a satisfacer necesidades de tipo inmediato, como continuación do curso anterior. Ampliará e reforzará o seu coñecemento sobre os sons, estructuras, léxico e normas de interacción comunicativa máis básicos, así como sobre aspectos culturais que poden determinar as situacións de comunicación máis frecuentes.

Información sobre o calendario (datas)

Prazas e créditos

Destinatarios/as

Persoas maiores de 16 anos interesadas en adquirir fundamentos da lingua italiana.

Calendario

Datas concretas de docencia:

outubro: días 5, 7, 14, 19, 21, 26 e 28.

novembro: días 2, 4, 9, 11, 16, 18, 23, 25 e 30.

decembro: días 2, 7 e 9.

xaneiro: días 11, 13, 18 e 20.

* Se houber algunha modificación nas datas, as recuperacións serán debidamente acordadas e notificadas ao alumnado, e faranse sempre dentro do período de docencia indicado arriba.

Horario

Campus de Vigo:

Nivel inicial A1.1 : luns e mércores de 16.00 a 18.00 horas.

Campus de Ourense:

Nivel inicial A1.1: luns e mércores de 19:00 a 21:00 horas.

Programa

Nivel Inicial

Trátase de comezar a utilizar esta lingua como instrumento de comunicación en situacións cotiás, logo de recibir información sobre os sons, estructuras, léxico e normas de interacción comunicativa máis básicos, así como sobre aspectos culturais que poden determinar as situacións de comunicación máis frecuentes.

Contidos

1. Expresar cantidades e medidas. Preguntar por algo. Os números do 100 en diante. Artigos indeterminados, preposicións e contraccións.

2. Identificar obxectos. Comprar. A concordancia adxectivo-sustantivo. Demostrativos. Presente de verbos terminados en –ire.

3. Propoñer actividades, aceptalas ou rexeitalas. Pronomes persoais. Presente de potere, dovere, volere, e venire.

4. Xestionar e controlar a comunicación telefónica: saúdos e fórmulas. Repetir e transmitir o dito por outros. Estilo indirecto. Presente de estare e o xerundio.

5. Contar sucesos pasados. O participio pasado dos verbos regulares e dalgúns irregulares. Passato prossimo con essere e avere.

Contidos gramaticais

ü   Presente de indicativo dos verbos regulares e dos irregulares máis frecuentes.

ü   Numerais ordinais, cardinais.

ü   Uso dos pronomes interrogativos.

ü   Uso dos artigos determinados e indeterminados.

ü   Uso do verbo essere coa partícula ci.

ü   Uso das preposicións a e in.

ü   Formación dos plurais regulares.

ü   Pronomes demostrativos.

ü   Pronomes suxeito.

ü   Stare + xerundio.

ü   Formación dos participios.

 Contidos lexicais.

ü   Palabras, expresións e fórmulas coñecidas de Italia.

ü   Léxico relativo á presentación e á biografía persoal.

ü   Léxico ligado ós medios de transporte, á viaxe.

ü   Léxico ligado ó tempo cronolóxico: momentos do día, estacións, días da semana, meses.

ü   Léxico básico ligado ó tempo atmosférico.

ü   Léxico relativo á realidade cotiá persoal: actividades habituais, actividades de tempo libre, traballo, contactos telefónicos.

ü   Léxico relativo ás compras, pedimentos nun bar, nun restaurante.

Modo de pagamento

180 euros (xeral)

135 euros (membros da comunidade universitaria da Universidade de Vigo)

Impartido en

Ourense: Facultade de Dereito, aula 1.2

Vigo: Facultade de Filoloxía e Tradución, aula B4A

Observacións

Pasos para matricularse nos cursos do Centro de Linguas:

1. Darse de alta como usuario na Área de Posgrao Virtual. (https://bubela.uvigo.es). Se xa es usuario, só é necesario seguir os pasos de insrición da páxina.
2. Facer a inscrición online seguindo os pasos que se indican.
3. Pagar as taxas en Caixanova, indicando o código do curso no que se matricula. O número de conta é 2080-0000-74-0040225994.
4. Facer chegar ao Centro de Linguas a documentación requirida (véxase máis abaixo) de tres maneiras: vía fax ao número 986 818649, escaneado ao correo electrónico centrodelinguas@uvigo.es ou ben en persoa na oficina do Centro de Linguas na Facultade de Filoloxía e Tradución (no Pavillón Central).
5. A matrícula confírmase a través dunha mensaxe de correo electrónico. Se non se recibe antes da finalización do período de preinscrición e matrícula recomendamos poñerse en contacto co Centro de Linguas.

*Documentación requirida:

- Folla de preinscrición cuberta (pódese solicitar por correo ou en persoa).
- Fotocopia do DNI.
- Xustificante de ingreso bancario.
- No seu caso, xustificante de ser membro da comunidade universitaria (Impreso A0 ou copia de contrato).

As prazas asignaranse por estrita orde de matrícula (momento en que se faga chegar a documentación ao Centro de Linguas).

 Devolución de taxas:

Para a devolución de taxas séguense os seguintes criterios:

1-     Cancelación do curso no que o/a estudante se matriculou

2-     Limitación de prazas

3-    Incompatibilidade por causa sobrevida que se xustificará e se presentará por rexistro xeral na primeira semana logo do comezo do curso comunicándoo nesta mesma data ao Centro de Linguas.

Titulación

Certificado de asistencia en que se explicita o número de horas e créditos correspondentes ao curso. Para a súa obtención requerirase un 85% de asistencia a clase (unhas 38 horas).

Profesorado