Ciclo de lingua e calidade

Información do curso

Ciclo de lingua e calidade


Tipo Curso de idiomas
Código ANL23.110123
Nome Ciclo de lingua e calidade
  Lembre que para acceder ou matricularse nos cursos debe entrar no sistema polo menú de Acceso (á esquerda da ventá). Se aínda non está rexistrado prema aquí.
Modalidade Virtual asíncrona
Horas 10
Descrición

Curso destinado a persoas interesadas en mellorar a súa competencia escrita. 

 

Información de contacto:  
 · Teléfono 986 813 574
 · Fax
 · Enderezo electrónico
Compartir:

Información sobre o calendario (datas)

Período de matrícula 06/02/2023 09:00 - 03/03/2023 14:00
Período de docencia 10/04/2023 - 25/04/2023

Prazas e créditos

Número mínimo de participantes 15
Número máximo de participantes 30

Destinatarios/as

Membros da comunidade universitaria

Criterios de selección

Por rigorosa orde de inscrición

Calendario

É un curso virtual asíncrono.

Programa

1. A disposición textual e as variedades tipográficas (2 horas)

Á hora de crear un texto é importante fixarse na súa estrutura, así como no tipo de letra, nos espazos do texto, nas marxes etc. Neste tema repasaremos todos estes aspectos para mellorar a presentación dos nosos textos.

2. As maiúsculas e as minúsculas (2 horas)

Con este tema pretendemos dar algúns consellos sobre o uso correcto das maiúsculas e das minúsculas en contextos dubidosos (títulos de obras, nomes de departamentos etc.).

3. As citas e as referencias bibliográficas (2 horas)

O principal obxectivo será coñecer e empregar axeitadamente os diferentes modelos que existen para introducir bibliografía e citas nos nosos textos, así como as recomendacións desde a Área de Normalización Lingüística para mellorar a súa calidade.

4. Os préstamos lingüísticos e os neoloxismos (2 horas)

Este tema centrarase no estudo da ampliación do vocabulario da lingua galega. Por unha banda, analizaremos os estranxeirismos (palabras collidas doutra lingua) que se poden adaptar ao galego e os que non se deben empregar; por outra banda, daremos unhas nocións sobre outro tipo de creación de novas palabras (neoloxismos).

5. A fraseoloxía galega (2 horas)

Neste tema traballaremos co conxunto de expresións peculiares, como refráns e frases feitas, que posúe a lingua galega para dar conta de realidades cotiás. O obxectivo principal será coñecer estas expresións e sabelas empregar en contextos específicos.

Modo de pagamento

De balde

Impartido en

É un curso virtual asíncrono.

Observacións

 

Establécese un número mínimo de 15 persoas preinscritas no curso; de non se acadar ese número, o curso poderá anularse, e así se lles notificará ás persoas preinscritas. O número máximo de prazas é de 30.

Deberase acceder ao curso obrigatoriamente nos tres primeiros días.

 

Titulación

Todas as titulacións.

Profesorado

Paula Fernández Martínez

Sistema de avaliación

Para acadar o diploma, requírese realizar o 100 % das actividades e superar o 80 % delas, ademais da correspondente proba final.

Data da proba final en liña: 26 de abril, de 17.00 a 17.45 h

Calquera dúbida acerca dos detalles dun curso debe dirixila á dirección de dito curso. Por favor, consulte o apartado Información de contacto do curso.

Enderezo electrónico (unicamente problemas técnicos): |  RSS: Catálogo de cursos