Ciclo de lingua e calidade
Información do curso
Ciclo de lingua e calidade
Tipo | Curso de idiomas | ||||
Código | ANL00026 | ||||
Nome | Ciclo de lingua e calidade |
|
|||
Modalidade | Virtual asíncrona | ||||
Horas | 10 | ||||
Descrición | Curso destinado a persoas interesadas en mellorar a súa competencia escrita. O citado ciclo componse dos seguintes seminarios: Seminario 1. A disposición textual e as variedades tipográficas Seminario 2. As maiúsculas e as minúsculas Seminario 3. As citas e as referencias bibliográficas Seminario 4. Os préstamos lingüísticos e os neoloxismos Seminario 5. A fraseoloxía galega |
||||
Información de contacto: | |||||
· Teléfono | 986 813 574 | ||||
· Fax | |||||
· Enderezo electrónico | |||||
Compartir: |
Información sobre o calendario (datas)
Período de matrícula | 27/01/2014 09:00 - 06/02/2014 14:30 |
---|---|
Período de docencia | 10/03/2014 - 28/03/2014 |
Prazas e créditos
Número mínimo de participantes | 15 |
---|---|
Número máximo de participantes | 30 |
Créditos ECTS | 0 |
Validación de libre elección | 0 |
Destinatarios/as
Membros da comunidade universitaria e público en xeral.
Criterios de selección
Por rigorosa orde de entrega de documentación.
Calendario
É un curso virtual.
Programa
Seminario 1. A disposición textual e as variedades tipográficas
Á hora de crear un texto é importante fixarse na súa estrutura, así como no tipo de letra, nos espazos do texto, nas marxes etc. Neste seminario repasaremos todos estes aspectos para mellorar a presentación dos nosos textos.
Seminario 2. As maiúsculas e as minúsculas
Con este seminario pretendemos dar algúns consellos sobre o uso correcto das maiúsculas e das minúsculas en contextos dubidosos (títulos de obras, nomes de departamentos etc.).
Seminario 3. As citas e as referencias bibliográficas
O principal obxectivo deste seminario será coñecer e empregar axeitadamente os diferentes modelos que existen para introducir bibliografía e citas nos nosos textos, así como as recomendacións desde a Área de Normalización Lingüística para mellorar a súa calidade.
Seminario 4. Os préstamos lingüísticos e os neoloxismos
Este seminario centrarase no estudo da ampliación do vocabulario da lingua galega. Por unha banda, analizaremos os estranxeirismos (palabras collidas doutra lingua) que se poden adaptar ao galego e os que non se deben empregar; por outra banda, daremos unhas nocións sobre outro tipo de creación de novas palabras (neoloxismos).
Seminario 5. A fraseoloxía galega
Neste seminario traballaremos co conxunto de expresións peculiares, como refráns e frases feitas, que posúe a lingua galega para dar conta de realidades cotiás. O obxectivo principal será coñecer estas expresións e sabelas empregar en contextos específicos.
Modo de pagamento
Gratis para os membros da comunidade universitaria e 20 euros para o público en xeral.
Unha vez aceptada a inscrición, os membros da comunidade universitaria terán tres días para acreditar a súa pertenza á Universidade. Para isto deberán presentar unha copia do resgardo de matrícula do curso 2013/2014 ou o xustificante de ser membro do cadro de persoal (cabeceira da nómina) na Área de Normalización Lingüística, ben persoalmente, ben por correo postal ou electrónico (anl@uvigo.es).
As persoas que non pertenzan á Universidade terán un prazo para pagar e enviar o correspondente xustificante por correo postal ou electrónico á Área de Normalización Lingüística. O pagamento realizarase en NovaGalicia Banco, no número de conta ES14 2080 0501 12 3110000112:
- Concepto: código do curso (ANL00026)
- Importe: 20 euros
As matrículas aceptaranse por orde rigorosa a medida que recibamos a citada documentación.
No caso de cancelación de matrícula, só se devolverán as taxas se se solicita por escrito como mínimo tres días hábiles antes do inicio do curso.
Impartido en
É un curso virtual.
Titulación
Todas as titulacións.
Sistema de avaliación
É obrigatorio realizar o 100 % das actividades propostas polo profesorado e segundo as normas que este estableza, das cales é necesario superar o 80 %.