Información sobre o calendario (datas)

Prazas e créditos

Destinatarios/as

Persoal de administración e servizos incluído no cadro de persoal da Universidade de Vigo tendo preferencia o destinado naquelas unidades, áreas ou postos que utilicen o procesador de texto no seu traballo habitual (deberán facelo constar na solicitude do curso: anexo II).

Obxectivos

Téntase que as persoas asistentes aprendan a usar un procesador de textos correctamente: estruturar un documento, usar estilos,crear e usar modelos, e que poidan portar os coñecementos que teñen en Word á alternativa libre para procesadores de texto de LibreOffice.

Criterios de selección

De existir máis candidatos/as que prazas ofertadas, seguirase a orde alfabética a partir da letra Z vixente para os procesos selectivos na Comunidade Autónoma de Galicia segundo a resolución da Consellería de Facenda de 7 de febreiro de 2012 (DOG do 14 de febreiro) e terase en conta ao persoal que, nos últimos anos, estea gozando ou gozase dunha licenza de maternidade, dun permiso de paternidade, dunha redución de xornada ou dunha excedencia para o coidado de fillas/os ou familiares (Lei 7/2004, do 16 de xullo-DOG 3/08/04). En todo caso terá preferencia o persoal funcionario/fixo sobre o interino/temporal

Calendario

Datas: 26 ao 30 de novembro de 2012.

Horario: 08:30 a 10:30

Lugar: Sala III do Edificio Miralles Campus de Vigo

Programa

1. A interface do Writer.
2. A estrutura dun documento.
3. Os estilos.
4. Índices e táboas.
5. Crear e usar modelos.
6. Extensións de corrección ortográfica.

Observacións

O prazo de inscrición rematará o 16 de novembro de 2012. A inscrición debe efectuarse a través do sitio web da Área de Posgrao Virtual (APV). Para iso, a persoa interesada terá que acceder á páxina de Bubela http://bubela.uvigo.es, introducir o seu nome de usuario/a e clave (de non selo deberá darse de alta), premer no enlace “Catálogo de cursos”, dentro dos cursos ofertados polo Servizo de PAS deberá seleccionar o curso “LibreOffice Writer, unha alternativa libre a Word” e, por último, premer no botón “Preinscribir” na edición correspondente.

No caso de que o horario do curso coincida coa quenda de traballo do/a solicitante, cómpre, o informe favorable do/a xefe/a ou responsable da unidade correspondente a cumprimentar na solicitude do curso (anexo II) que deberá enviarse no prazo de inscrición ao Servizo de PAS a través do fax 986 813903 ou correo electrónico negociadopas03@uvigo.es

Profesorado

Enrique Estévez Fernández e Antón Gómez Méixome, Oficina do Software libre do CIXG.