Descrición

O Curso obradoiro "Creación de páxinas Web persoais" insírese dentro das accións formativas institucionais da Universidade de Vigo para o ano 2010. As devanditas accións formativas están organizadas pola Vicerreitoría de Formación e Innovación Educativa, a través da Área de Innovación Educativa.

Información sobre o calendario (datas)

Período de matrícula	21/04/2010 17:00 - 17/06/2010 23:59
Período de docencia	21/06/2010 - 07/07/2010

Prazas e créditos

Número mínimo de participantes	0
Número máximo de participantes	20

Destinatarios/as

O presente curso está destinado a todos os profesores e profesoras da Universidade de Vigo.

Obxectivos

Preténdese acadar a capacitación adecuada para a creación de páxinas web persoais que inclúa contidos relacionados coa docencia, información xeral, investigación, etc..; sen descoidar o aspecto básico do deseño, de tal xeito que o resultado final dunha publicación web sexa “esteticamente” aceptable. Debido ao carácter dinámico dos contidos destas páxinas web tamén se amosará como poder manter as páxinas e a información asociada ás mesmas, así como a súa posterior publicación en buscadores.

Criterios de selección

Ofértanse 20 prazas que se irán cubrindo por rigorosa orde de preinscrición.

Calendario

O curso celebrarase os días:

21, 22, 23, 24, 28, 29 e 30 de Xuño e 5, 6 e 7 de Xullo de 10:00 a 12:00

Programa

O programa do curso consistirá nas seguintes sesións de 2 horas de duración cada unha.
• 1  Introdución a Internet, protocolo de transferencia de ficheiros (FTP) e linguaxes de marcado.
  1. Durante esta sesión o alumno/a terá unha visión global das posibilidades que pode aportar a comunicación a través das páxinas web, e coñecerá os elementos físicos que a permiten. Ademais, o alumno/a aprenderá a solicitar e configurar unha conta web e adquirirá as nocións precisas para saber de que xeito poder acceder a esa conta vía FTP. Tamén se introducirá ao alumno/a na programación (a nivel moi básico) da linguaxe HTML, facendo uso de exemplos moi simples e vendo de que xeito interpreta a máquina as ordes que se lle ditan.
• 2  Introdución á ferramenta de desenvolvemento Dreamweaver.
  1. Nesta sesión o alumno/a entrará en contacto co Dreamweaver, comprenderá cal é a súa utilidade e terá unha idea clara da distribución do contorno de traballo. Despois desta sesión, o alumno/a poderá definir o seu propio sitio web e comprender como se estrutura e almacena.
• 3  Normas básicas para crear sitios web e creación de elementos.
  1. Desta sesión o alumno/a deberá saír cun esquema en papel de como quere que sexan as súas páxinas, como navegará por elas e como estarán organizados os seus arquivos fisicamente para tal propósito.
• 4  Conceptos básicos de deseño e maquetación.
  1. Nesta sesión o alumnado coñecerá as diferentes técnicas para trasladar o seu esquema inicial en papel a unha representación ou deseño en formato web (HTML).
• 5  Estruturación e navegación dentro dun site.
  1. O alumno/a deberá ser capaz de crear os vínculos e hipervínculos necesarios para que o seu sitio “funcione” e se poida navegar entre as diferentes páxinas ou enlaces con recursos externos (buscadores, enviar correos, outras páxinas,...).
• 6, 7 e 8   Creación de contidos para as páxinas dun docente universitario.
  1. O alumno/a debe ser capaz de inserir calquera contido que se axuste a unha páxina persoal co perfil de docente.
• 9   Aplicando estilos ás nosas páxinas. Vantaxes do seu uso.
  1. O alumno/a poderá definir os seus propios estilos que lle servirán para cambiar a aparencia da páxina sen ter que tocar o deseño nin os elementos creados, tan só redefinir o estilo creado. Deste xeito tamén coñecerá as posibilidades máis amplas dos estilos fronte ao formateo en HTML.
• 10  Mantemento do sitio.
  1. Preténdese que o alumno/a saiba como ter actualizado o seu sitio web e xestionalo de forma eficiente unha vez que o publique.

Impartido en

Aula de Informática 17 sita no 3º andar do Edificio Facultades

Campus de Ourense

Observacións

CERTIFICADO DE ASISTENCIA:

A asistencia ao curso será certificada pola Universidade de Vigo a todos aqueles inscritos que asistan, polo menos, a oito sesións completas das dez sesións que ten o curso.

Profesorado

JOSÉ LUIS MARTÍNEZ ORGE

Profesor da Escola Superior de Enxeñería Informática