- Catálogo
-
:::
:::
II Seminario de Alfabetización contra a Desinformación
Información do curso
II Seminario de Alfabetización contra a Desinformación
| Tipo | Actividades recoñecidas coma formación permanente do profesorado | ||||
| Código | ARFP22FN | ||||
| Nome | II Seminario de Alfabetización contra a Desinformación |
|
|||
| Modalidade | Virtual síncrona | ||||
| Horas | 10 | ||||
| Descrición | A desinformación e os efectos das noticias falsas na sociedade xeran actualmente unha gran preocupación a nivel global. A cuestión, máis alá de ser tema habitual nos medios de comunicación e no debate político, foi abordada por distintos organismos e informes a nivel internacional que propoñen distintos enfoques para abordar o problema. Dentro destes ámbitos de actuación –e da necesaria diversidade das frontes desde os que loitar contra a desinformación– destaca como elemento diferencial da alfabetización o seu carácter preventivo en lugar de reactivo, o que diferencia a esta estratexia de calquera outra. A alfabetización mediática céntrase no coñecemento e as habilidades específicas que favorecen a comprensión crítica e o uso consciente dos medios de comunicación o que implica unha maior capacidade de detección e análise da desinformación. Esta actividade está destinada ao profesorado e ao alumnado. Os diplomas do profesorado serán realizados pola Vicerreitoría de Profesorado, Docencia e Titulacións e os diplomas do alumnado serán realizados polo GID.
|
||||
| Información de contacto: | |||||
| · Teléfono | 986812035 | ||||
| · Fax | |||||
| · Enderezo electrónico | |||||
| Compartir: |
|
||||
Descrición
Esta actividade formativa está recoñecida coma formación permanente do profesorado da Universidade de Vigo para o ano 2022.
Entidades organizadoras
O seminario está coordinado por María Isabel Míguez González, Alberto Dafonte e Jabier Abuín Penas do Grupo de Innovación Docente DIXITAIS.
Información sobre o calendario (datas)
| Período de matrícula | 14/09/2022 12:00 - 23/09/2022 12:00 |
|---|---|
| Período de docencia | 27/09/2022 - 18/10/2022 |
Prazas e créditos
| Número mínimo de participantes | 10 |
|---|---|
| Número máximo de participantes | 100 |
Destinatarios/as
Esta actividade está destinada principalmente ao profesorado da Universidade de Vigo e tamén poderá participar alumnado.
Obxectivos
O obxectivo do seminario é mellorar a competencia dixital e mediática da cidadanía como estratexia de loita contra a desinformación. Para isto é preciso: comprender o fenómeno da desinformación, os seus efectos na sociedade e os seus mecanismos de propagación, así como os principais recursos para loitar contra ela.
Criterios de selección
Por orde de preinscrición.
Calendario
A actividade desenvolverase en modalidade virtual síncrona os días 27 de setembro, 4 e 11 de outubro de 17.30 a 19 horas a través do Campus remoto.
A cuestionario estará dispoñible en Moovi data o 18 de outubro.
Programa
O seminario consta de 3 sesións síncronas en liña a través de Campus Remoto complementadas por material adicional en Moovi. As sesións online son as seguintes:
Martes 27/09/2022 ás 17:30 Xosé López. Catedrático de Xornalismo da Universidade de Santiago de Compostela:
“O papel do xornalismo dixital na verificación da información”.
Martes 04/10/2022 ás 17:30 Bella Palomo. Catedrática de Peridismo da Universidade de Málaga:
"Investigar la desinformación con enfoque constructivo: propuestas de transferencia".
Martes 11/10/2022 ás 17:30 Javier Guallar. Profesor do Departamento de Biblioteconomía, Documentación e Comunicación Audiovisual da Universidade de Barcelona:
“Curación de contenidos ante la desinformación”.
As persoas participantes terán acceso a todo o material xerado e á proba en liña en Moovi para certificar a superación do curso ata o 18 de outubro.
Impartido en
A parte síncrona virtual desenvolverase a través do Campus remoto. Uns días antes recibirá os contrasinais para poder entrar.
A parte asíncrona (cuestionario) empregarase a plataforma Moovi.
Observacións
Titorización:
Seguimento a través do foro e mensaxería de Moovi.
Profesorado
Xosé López García
Catedrático de Xornalismo da Universidade de Santiago de Compostela. Director do grupo de investigación “Novos Medios”, a súa traxectoria investigadora está centrada no xornalismo dixital e nos cibermedios. Actualmente participa no proxecto Iberifier (Iberian Digital Media Research and Fact-Checking Hub) financiado pola Comisión Europea.
Bella Palomo Torres
Catedrática de Xornalismo da Universidade de Málaga. Directora do grupo de investigación “MEDIO: Media & Data Innovation”, está especializada en novas rutinas xornalísticas e xornalismo dixital. Actualmente é Investigadora Principal do proxecto do Plan Nacional I+D: “El impacto de la desinformación en el periodismo: contenidos, rutinas profesionales y audiencias” (PID2019-108956RB-I00).
Javier Guallar Delgado
Doutor en Información e Documentación pola Universitat de Barcelona e Doutor en Comunicación pola Universitat Pompeu Fabra, é profesor e secretario académico da Facultade de Información e Medios Audiovisuais da Universitat de Barcelona e director do posgrado en Contidos Social Media. Está especializado en curación de contidos e é autor de varias obras de referencia sobre a materia.
O seminario está coordinado por María Isabel Míguez González, Alberto Dafonte e Jabier Abuín Penas (Grupo de Innovación Docente) DIXITAIS.
Sistema de avaliación
Asistencia ao 80 % das sesións presenciais e a superación dos exercicios propostos.
Asistencia ás sesións e realización dun cuestionario en liña sobre as conferencias e o material dispoñible en Moovi.
