Lesson study: mellorar o ensino e estimular a aprendizaxe a través da investigación-acción cooperativa
Información do curso
Lesson study: mellorar o ensino e estimular a aprendizaxe a través da investigación-acción cooperativa
Tipo | Curso de formación do PDI | ||||
Código | PFPPPLE22 | ||||
Nome | Lesson study: mellorar o ensino e estimular a aprendizaxe a través da investigación-acción cooperativa |
|
|||
Modalidade | Virtual síncrona | ||||
Horas | 9 | ||||
Descrición | O profesorado universitario cada día afronta o reto de deseñar e desenvolver un contexto de ensino que estimule a aprendizaxe relevante do alumnado nun novo escenario cada vez máis complexo e incerto. Como xerar unha cultura e uns principios pedagóxicos que conciba o ensino como un territorio de exploración e experimentación aberta e decidida de posibilidades de convivencia e de reinvención da subxectividade á vez que facilite a cooperación e a investigación sobre a nosa práctica docente? Estimular o desenvolvemento das competencias profesionais require repensarnos como docentes. As Lesson studies, son unha estratexia centenaria orixinaria de Xapón que recollendo a tradición da investigación acción, axúdanos, como docentes, a experimentar o tránsito continuo de reconstrución cooperativa do noso coñecemento ao pensamento práctico, deseñando, desenvolvendo, avaliando e volvendo ensinar de forma mellorada as propostas didácticas iniciais. |
||||
Información de contacto: | |||||
· Teléfono | 986812035 | ||||
· Fax | |||||
· Enderezo electrónico | |||||
Compartir: |
Descrición
Este curso insírese dentro do Programa de Formación Permanente do Profesorado da Universidade de Vigo para o ano 2022.
Entidades organizadoras
Área de Formación e Innovación Educativa (Escola Aberta de Formación Permanente).
Información sobre o calendario (datas)
Período de matrícula | 11/05/2022 12:00 - 06/06/2022 23:59 |
---|---|
Período de docencia | 23/06/2022 - 07/07/2022 |
Prazas e créditos
Número mínimo de participantes | 10 |
---|---|
Número máximo de participantes | 30 |
Destinatarios/as
Esta actividade está destinada ao profesorado da Universidade de Vigo. Terá prefencia o profesorado que estea no POD deste ano académico.
Se quedan prazas dispoñibles poderán participar outros perfís da Universidade de Vigo, baixo o criterio da Área de Formación e Innovación Educativa.
Obxectivos
- Comprender a filosofía e natureza das Lesson study.
- Aprender e ensinar na universidade: Definir os principios pedagóxicos para o desenvolvemento de competencias.
- Comprender as fases da Lesson study para reconstruír o coñecemento práctico docente e mellorar a docencia.
- Situar a Lesson study no escenario global: experiencias, redes e grupos.
- Deseñar unha proposta de mellora da propia práctica.
Criterios de selección
Por orde de preinscrición.
Calendario
O curso desenvolverase en modalidade virtual síncrona a través do Campus remoto os días 23, 30 de xuño e 7 de xullo de 10 a 13 horas.
Programa
Sesión 1:
Presentación: Orixe, historia e fundamentos da Lesson Study. Fases da Lesson study: a investigación sobre o ensino e o coñecemento práctico. Experiencia I.
Grupos: discusión e debate sobre os dilemas do ensino e a aprendizaxe na universidade: Selección dun foco.
Sesión 2:
Presentación: Principios pedagóxicos no contexto universitario: Que metodoloxías, espazos, tempos, rol docente e avaliación para o desenvolvemento de competencias profesionais? Experiencias II.
Grupos: deseño dunha proposta didáctica, metodoloxías e avaliación nun marco de competencias.
Parte I.
Sesión 3:
Presentación: Cooperación e titorización como eixos do ensino na universidade. Resultados do proxecto de investigación de I+D: Lesson studies, escola e universidade: investigando a reconstrución do coñecemento práctico na formación inicial do profesorado. Financiado polo Programa estatal de Fomento da investigación científica e técnica de excelencia.
Grupos: deseño dunha proposta didáctica, metodoloxías e avaliación nun marco de competencias.
Parte II.
Impartido en
Campus remoto.
Observacións
Titorización:
A través do correo electrónico e videoconferencia.
Profesorado
Encarnación Soto Gómez
É profesora titular do departamento de Didáctica e Organización Escolar na Universidade de Málaga.
Participou como investigadora en 20 proxectos sobre formación docente a través da investigación-acción cooperativa (Lesson study), a avaliación (cartafol dixital) e innovación educativa. Coordina a Rede de Excelencia de innovación docente na Universidade de Málaga EASE centrada nas Lesson study e é membro do Consello WALS ( https://www.walsnet.org/) Wals Association of Lesson study.
Colaborou con diferentes universidades estranxeiras como a East Anglia, Norwich, Bristol, Cambridge University, Guayaquil e a Escola Normal de Xalapa (Méjico).
Algunhas publicacións para destacar son: (2022). Lesson study: aprender a ensinar para ensinar a aprender. Editorial Morata. pp.1-460; (2021). Aprender xuntos a vivir e explorar a complexidade. Novos marcos pedagóxicos de interpretación e acción. REICE. Revista Iberoamericana sobre Calidade, Eficacia e Cambio en Educación, 2021, 19(4); (2019). Action research through lesson study for the reconstruction of teachers’ practical knowledge. A review of research at Málaga University ( Spain) Educational Action Research. Taylor & Francis. 27-4, pp.527-542.; (2019). Aprender a ensinar na Universidade: da investigación-acción á Lesson study docentes universitarios: unha formación centrada na práctica. Morata. pp.55-82.
Sistema de avaliación
- Asistencia ao 80 % do curso.
- Deseño dunha proposta didáctica.