Atopa o teu curso

Información do curso

Creación e tratamento de imaxes e fotografías con GIMP


Tipo Curso de formación do PDI
Código PFPPCIGI22
Nome Creación e tratamento de imaxes e fotografías con GIMP
  Lembre que para acceder ou matricularse nos cursos debe entrar no sistema polo menú de Acceso (á esquerda da ventá). Se aínda non está rexistrado prema aquí.
Modalidade Virtual asíncrona
Horas 24
Descrición

A creación e manipulación de imaxes é unhas das labores máis habituais nos procesos creativos dixitais. Con este curso perséguese que os/as participantes adquiran as nocións e habilidades básicas para o tratamento de imaxes, desde retocalas ou editalas, ata crealas desde cero nunha nova composición con formas libres, de modo que non só adquiran unhas nocións básicas sobre programas de edición, senón sobre aspectos concretos de deseño gráfico.

Información de contacto:  
 · Teléfono 986812035
 · Fax
 · Enderezo electrónico
Compartir:

Descrición

Este curso insírese dentro do Programa de Formación Permanente do Profesorado da Universidade de Vigo para o ano 2022.

Entidades organizadoras

Consorcio para o desenvolvemento de aplicación para a xestión universitaria (CIXUG).

Información sobre o calendario (datas)

Período de matrícula 17/02/2022 12:00 - 06/05/2022 23:59
Período de docencia 30/05/2022 - 30/06/2022

Prazas e créditos

Número mínimo de participantes 1
Número máximo de participantes 5

Destinatarios/as

Esta actividade está destinada ao profesorado da Universidade de Vigo. Terá prefencia o profesorado que estea no POD deste ano académico.
Se quedan prazas dispoñibles poderán participar outros perfís da Universidade de Vigo, baixo o criterio da Área de Formación e Innovación Educativa.

Obxectivos

  • Describir os principais sistemas e modelos que fundamentan os sistemas dixitais de creación de gráficos dixitais.
  • Distinguir as diferentes ferramentas dixitais para a creación e tratamento de imaxes.
  • Analizar as contornas de traballo da edición de imaxes, así como as súas ferramentas e as opcións.
  • Localizar e obter imaxes de forma ética e legal para completar as composicións gráficas.
  • Distinguir entre diferentes tipos de imaxes e saber o seu uso máis adecuado.
  • Crear ou modificar calquera tipo de imaxe, para combinala en calquera proxecto.
  • Ter presentes os conceptos básicos da cor.

Criterios de selección

Por orde de preinscrición.

Calendario

O curso desenvolverase en modalidade virtual asíncrona a través do campus do CIXUG do 23 de maio ao 23 de xuño.

Programa

1. Introdución:
   - Introdución a edición dixital.
   - Cultura libre e Creativa Commons.
   - Formatos de imaxe estándar.
   - Conceptos básicos de imaxes e cores.
   - Obter software de edición de imaxes.
   - Acceso a recursos libres e legais.

2. Primeiros pasos:
   - Tarefas básicas de edición.
   - Capas: Manipulación, flotantes, transformación e combinación.

3. Pintando e seleccionando:
   - Ferramentas de pintura: pinceis, lata, gradacións...
   - Clonado e reparado.
   - Ferramentas de selección.
   - Resolución de problemas frecuentes.

4. Tratamento da cor, transformacións e filtros:
   - Textos.
   - Transformacións: aliñamento e perspectiva.
   - Ferramentas de cor: histogramas e curvas.
   - Máscara de capa.
   - Filtros.
   - Outras aplicacións de tratamento de imaxes.

Impartido en

Plataforma do CIXUG.

Observacións

Desenvolveranse videoconferencias voluntarias de aproximadamente dunha hora de duración nas que poder formular e solucionar dúbidas.

Profesorado

Óscar Fernández Carballo

É enxeñeiro informático con ampla experiencia como relator e docente TIC a todos os niveis educativos. Creatividade, entusiasmo, entrega, planificación e unha correcta preparación didáctica son a base dos eventos impartidos.
Ten experiencia na coordinación de grupos, eventos e proxectos. Elaboración e direcciónde multitude de cursos, relatoiros e obradoiros (ofimática, deseño gráfico, robótica, programación etc.).

Sistema de avaliación

Desenvolveranse diferentes exercicios ao longo do curso.

Calquera dúbida acerca dos detalles dun curso debe dirixila á dirección de dito curso. Por favor, consulte o apartado Información de contacto do curso.

Enderezo electrónico (unicamente problemas técnicos): |  RSS: Catálogo de cursos