- Catálogo
-
:::
:::
Axenda 2030. Axentes do cambio.
Información do curso
Axenda 2030. Axentes do cambio.
| Tipo | Actividades de Voluntariado e Cooperación | ||||
| Código | AVC01-202201 | ||||
| Nome | Axenda 2030. Axentes do cambio. |
|
|||
| Modalidade | Virtual asíncrona | ||||
| Horas | 30 | ||||
| Descrición | O Curso "Axenda 2030. Axentes do cambio" ten unha duración de 30 horas e vai dirixido ao alumnado da Universidade de Vigo que teña un forte compromiso coa protección do medioambiente e coa erradicación das desigualdades no mundo. A Axenda 2030 é unha resolución da ONU aprobada en 2015 que constitúe a folla de ruta da humanidade para os vindeiros anos. Centrada na protección medioambiental e na erradicación de todo tipo de desigualdades, a Axenda busca que as universidades se impliquen na xeración das condicións para acadar un desenvolvemento máis sostible e inclusivo tendo en conta as limitacións do planeta e o benestar das persoas a través da aplicación dos denominados «Obxectivos de Desenvolvemento Sostible» (ODS). O principal obxectivo deste curso é formar a estudantes para que coñezan a Axenda 2030. Esta actividade pódese complementar con unha acción de voluntariado nos tres campus da UVigo para dar a coñecer a Axenda 2030 e sensibilizar á comunidade universitaria sobre os seus 17 ODS mediante paneis informativos e a organización de actividades. O curso contará con 30h de formación virtual en MOOVI na que o alumnado accederá aos contidos sobre a Axenda e a vídeos explicativos. As/os estudantes terán unha participación activa a través de foros de debate online e contarán en todo o momento co asesoramento e titorización do equipo docente tanto para elaborar as actividades como para resolver dúbidas.
|
||||
| Información de contacto: | |||||
| · Teléfono | 986130261 | ||||
| · Fax | |||||
| · Enderezo electrónico | |||||
| Compartir: |
|
||||
Entidades organizadoras
Vicerreitoría de Responsabilidade Social, Internacionalización e Cooperación. Actividade financiada pola Rede Galega de Cooperación Universitaria ao Desenvolvemento.
Información sobre o calendario (datas)
Prazas e créditos
| Número mínimo de participantes | 15 |
|---|---|
| Número máximo de participantes | 30 |
| Créditos teóricos | 1 |
| Validación de libre elección | 1 |
Destinatarios/as
Estudantes con matrícula en vigor da Universidade de Vigo
Obxectivos
Ao rematar esta formación, o alumnado será quen de
- Promover, alentar e fomentar a participación da comunidade universitaria na aplicación dos Obxectivos de Desenvolvemento Sostible na área local.
- Xerar cambios reais nos tres campus que favorezan o aliñamento das políticas da Universidade de Vigo coa Axenda 2030.
- Consolidar unha comunidade de "Axentes do cambio" organizada en grupos de traballo cooperativo.
Condicións de acceso
Ser estudante na Universidade de Vigo
Criterios de selección
Por rigorosa orde de inscrición.
Calendario
- Do 1 ao 28 de febreiro formación virtual en MOOVI.
Programa
- Módulo 1. Comprendendo a Axenda 2030
- Módulo 2. As persoas
- Módulo 3. O planeta
- Módulo 4. Unindo ás persoas e ó planeta
Modo de pagamento
Impartido en
A formación virtual impartirase a través de MOOVI.
Observacións
Acreditación da asistencia:
A superación desta actividade formativa será acreditada pola Universidade de Vigo a todas as persoas matriculadas que obteñan a cualificación de apto/a .
Profesorado
Raquel Gómez Villar, Cofundadora en SomosTerra
Eva López Quiroga, Cofundadora en SomosTerra
Sistema de avaliación
O alumnado deberá realizar 4 actividades a través de MOOVI cuxa explicación detallada atopará ao final dos textos e vídeos explicativos de cada módulo. As formadoras farán un seguimento exhaustivo da elaboración, resolverán dúbidas e entregarán un feedback sobre o resultado a cada estudante. Ao mesmo tempo, en cada módulo abriranse foros a través dos cales as formadoras animarán ás/aos estudantes a que debatan sobre un aspecto concreto do temario.
O curso será superado cando as/aos alumnas/os teñan un acceso regular ao espazo do curso en Moovi, entreguen alomenos 3 actividades, participen en 2 foros de debate e realicen o obradoiro virtual.
Por outro lado, cada luns do mes que dure o curso, as formadoras enviarán aos estudantes unha mensaxe a través dun foro de noticias indicándolles o traballo semanal, os obxectivos formativos e as actividades a realizar. Ademais, durante a primeira semana do curso, reforzarase o seguimento coas/cos estudantes mediante correos electrónicos ou chamadas telefónicas para evitar que abandonen o curso.
Realizarase un obradoiro , que se a situación permite será presencial e senón realizarse de forma virtual. Valorarase a participación e os actividades realizadas no obradoiro.
