Axenda 2030: Teoría e prácticas transformadoras na Universidade
Información do curso
Axenda 2030: Teoría e prácticas transformadoras na Universidade
Tipo | Curso de formación do PDI | ||||
Código | PFPPRS21 | ||||
Nome | Axenda 2030: Teoría e prácticas transformadoras na Universidade |
|
|||
Modalidade | Virtual (síncrona e asíncrona) | ||||
Horas | 20 | ||||
Descrición | Trátase dun curso dirixido ao PDI e PAS da Universidade de Vigo onde se fará un repaso polos 6 anos da Axenda 2030 e se reflexionará sobre o rol da Universidade na sociedade e de que xeito a Axenda 2030 pode contribuír a transformala. A Axenda 2030 configurouse como o principal proxecto de transformación das nosas sociedades. Unha das súas principais carácterísticas e a que a dota dun carácter rupturista co pasado e a súa integridade e transversalidade. A maior parte das institucións públicas e privadas teñen que levar a cabo accións que apunten nesa transformación, e a Universidade correspóndelle un papel esencial neste eido. |
||||
Información de contacto: | |||||
· Teléfono | 986812035 | ||||
· Fax | |||||
· Enderezo electrónico | |||||
Compartir: |
Descrición
Este curso insírese dentro do Programa de Formación Permanente do Profesorado da Universidade de Vigo para o ano 2021.
Entidades organizadoras
Esta formación está incluída no marco das actividades organizadas pola Rede Galega de Cooperación Universitaria ao Desenvolvemento (RGCUD) e organizada pola Vicerreitoría de Responsabilidade Social, Internacionalización e Cooperación e a Área de Formación e Innovación Educativa (Escola Aberta de Formación Permanente).
Información sobre o calendario (datas)
Período de matrícula | 20/09/2021 12:00 - 22/10/2021 23:59 |
---|---|
Período de docencia | 01/11/2021 - 15/12/2021 |
Prazas e créditos
Número mínimo de participantes | 5 |
---|---|
Número máximo de participantes | 20 |
Destinatarios/as
Esta actividade está destinada ao profesorado da Universidade de Vigo. Terá preferencia o profesorado con vinculación permanente a tempo completo e que coordine algún grao ou mestrado.
Obxectivos
- Coñecer a Axenda 2030 e as súas implicacións.
- Reflexionar sobre o papel da Universidade na sociedade e como a Axenda 2030 pode contribuír a tranformala.
- Desenvolver propostas para a aplicación da Axenda 2030.
Criterios de selección
Por orde de preinscrición.
Calendario
Sesións asíncronas: Desenvolverase do 1 ao 30 de novembro na plataforma Moovi.
Sesións síncronas virtuais: Desenvolveranse os seguintes días:
Venres 5 de novembro de 12.30 a 14.30. Módulo 1: 6 anos da Axenda 2030 (1-8 de novembro).
Venres 12 de novembro de 12.30 a 14.30. Módulo 2: Axenda 2030 e Universidade (8-15 de novembro).
Xoves 18 de novembro de 16 a 18 horas. Módulo 3: Prácticas transformadoras en gobernanza e extensión (15-22 de novembro).
Xoves 25 de novembro de 16 a 18 horas. Módulo 4: Prácticas transformadoras en investigación e docencia (22-30 de novembro).
Programa
-
Semana 1. Seis anos da axenda 2030 (1-8 de novembro):
Traballarase o contido xeral da Axenda 2030 así como a súa recepción e as súas principais aplicacións ata a data, con especial énfase na Estratexia de Desenvolvemento Sostible do noso país. -
Semana 2. Axenda 2030 e Universidade (8-15 de novembro):
Traballarase a aplicación específica da A2030 na Universidade desde o punto de vista da política xeral universitaria. Presentaranse os 14 espazos de aplicación da A2030 na universidade: gobernanza, extensión, investigación e docencia. -
Semana 3. Prácticas transformadoras en gobernanza e extensión (15-22 de novembro):
Traballarse sobre algunhas implantacións da Axenda 2030 en gobernanza e extensión para discutir sobre o alcance transformador desta no citado ámbito. -
Semana 4. Prácticas transformadoras en investigación e docencia (22-30 de novembro):
Traballarase sobre algunhas implantacións da Axenda 2030 en investigación e docencia para discutir sobre o alcance transformador neste ámbito.
Impartido en
As sesións virtuais síncronas desenvolveranse a través do Campus remoto e as sesións virtuais asíncronas desenvolveranse a través de Moovi.
Profesorado
José Medina Mateos
É licenciado en Ciencias Políticas pola Universidade Complutense de Madrid, posgraduado en Desigualdade, Cooperación e Desenvolvemento e mestrado en Relacións Internacionais e Estudos Africanos.
É investigador no Grupo de Relacións Internacionais Universidade Autónoma de Madrid do Departamento de Ciencia Política e Relacións Internacionais.
As súas liñas de investigación son a cooperación para o desenvolvemento, a seguridade alimentaria, a soberanía alimentaria e a teoría das relacións internacionais.
Colaborou na elaboración da diagnose da Ayuda Oficial al Desarrollo (AOD) española en gobernabilidade para la Agencia Española de Cooperación Internacional para el Desarrollo (AECID) con CIDEAL.
Participa no colectivo de creación política La Mundial.
Sistema de avaliación
-
As persoas participantes serán avaliadas a través de 3 tipos de probas:
-
Participación nos foros de debate dos módulos.
-
Asistencia ao 80 % das sesións síncronas virtuais e participación durante elas.
-
Realización dun traballo final/memoria de acordo coas indicacións do profesor.