Atopa o teu curso

Información do curso

Introdución práctica ao flipped learning: bases do modelo, deseño da aprendizaxe e ferramentas para implantalo (Modalidade virtual)


Tipo Curso de formación do PDI
Código PFPPFLIPP20
Nome Introdución práctica ao flipped learning: bases do modelo, deseño da aprendizaxe e ferramentas para implantalo (Modalidade virtual)
  Lembre que para acceder ou matricularse nos cursos debe entrar no sistema polo menú de Acceso (á esquerda da ventá). Se aínda non está rexistrado prema aquí.
Modalidade virtual
Horas 20
Descrición

O novo escenario educativo derivado da crise da COVID-19 esixe de docentes e alumnado a adaptación a novos enfoques metodolóxicos e estratexias docentes que aproveiten ao máximo as posibilidades da docencia en liña, pero tamén das sesións presenciais nas novas condicións que vaiamos atopar. O flipped learning é un enfoque que parte da optimización das sesións presenciais mediante o traslado das actividades que requiren menor carga cognitiva a espazos online, baixo a responsabilidade do alumnado no seu fogar, polo que achegarse dun xeito práctico ao modelo pode ser moi útil no contexto actual.

Información de contacto:  
 · Teléfono 986 812 035
 · Fax
 · Enderezo electrónico
Compartir:

Descrición

O curso Introdución práctica ao flipped learning: bases do modelo, deseño da aprendizaxe e ferramentas para implantalo insírese dentro do Programa de Formación Permanente do PDI da Universidade de Vigo para o ano 2020. A actividade formativa está organizada pola Área de Formación e Innovación Educativa.

Información sobre o calendario (datas)

Período de matrícula 27/05/2020 12:00 - 22/06/2020 23:59
Período de docencia 29/06/2020 - 19/07/2020

Prazas e créditos

Número mínimo de participantes 10
Número máximo de participantes 25

Destinatarios/as

Esta actividade está destinada a todo o persoal docente e investigador da Universidade de Vigo, mais terá preferencia o PDI que teña carga docente.
No caso de que quedasen prazas dispoñibles poderán participar outras persoas interesadas na formación.

Obxectivos

  • Comprender o enfoque pedagóxico do flipped learning.
  • Identificar os elementos do flipped learning especialmente útiles na docencia semipresencial.
  • Deseñar unidades de aprendizaxe baixo o enfoque do flipped learning.
  • Explorar as posibilidades de Moodle e Microsoft Teams para centralizar o proceso de ensino-aprendizaxe en situacións de presencialidade e semipresencialidade.
  • Implantar metodoloxías de comunicación aberta entre equipos.
  • Aplicar ferramentas para a creación e distribución de contidos docentes dixitais.

Calendario

Do 29 de xuño ao 19 de xullo.

Programa

  • Que é o Flipped Learning e por que usalo.
  • Principios básicos do Flipped Learning: modelo FLIPTM e alternativas.
  • Principios de deseño instrucional e deseño de unidades de aprendizaxe en flipped learning.
  • O learning management system (LMS) como centro organizador do curso: posibilidades de Moodle e Microsoft Teams.
  • Ferramentas para a creación e distribución de contidos docentes dixitais.
  • Ferramentas para a curación de contidos docentes.

Impartido en

Modalidade virtual. A través da plataforma FaiTIC.

Observacións

Acreditación da superación do curso:

A superación desta actividade formativa será acreditada pola Universidade de Vigo a todas as persoas matriculadas que acaden a calificación de apto/a.

Profesorado

Alberto Dafonte Gómez

Profesor do Departamento de Comunicación Audiovisual e Publicidade e coordinador do Grupo de Innovación Docente Dixitais. Mestrado en Educación e TIC (UOC), Doutor en Publicidade e Relacións Públicas e Licenciado no Grao en Comunicación Audiovisual (Universidade de Vigo).

Andrés Fraga Pérez

Profesor do Departamento de Comunicación Audiovisual e Publicidade. Mestrado em Comunicación e Industrias Creativas (USC) e Graduado en Fotografía e Imaxe Dixital (UPC). Fotógrafo profesional especializado en arquitectura e produto.

Calquera dúbida acerca dos detalles dun curso debe dirixila á dirección de dito curso. Por favor, consulte o apartado Información de contacto do curso.

Enderezo electrónico (unicamente problemas técnicos): |  RSS: Catálogo de cursos