Cuestións éticas na investigación con seres humanos: fundamentos, características e avaliación (Campus de Vigo)
Información do curso
Cuestións éticas na investigación con seres humanos: fundamentos, características e avaliación (Campus de Vigo)
Tipo | Curso de formación do PDI | ||||
Código | PFPPET19VI | ||||
Nome | Cuestións éticas na investigación con seres humanos: fundamentos, características e avaliación (Campus de Vigo) |
|
|||
Modalidade | Presencial | ||||
Horas | 8 | ||||
Descrición | Todas as investigacións, que sexan realizadas por persoal docente de investigación ou por estudantes en formación (TFG, TFM e tese de doutoramento) e que utilicen seres humanos, os seus datos e as súas mostras como material de investigación, requiren unha avaliación ética como paso previo para comezalas. Esta avaliación ética tamén é necesaria cando o deseño metodolóxico inclúe entrevistas, cuestionarios, ensaios, observación directa, gravacións de vídeo ou audio, experimentos de laboratorio e campo, ensaios e probas normalizados, análises económicas, etnográficas, avaliacións etc. De feito, estes enfoques poden diferir considerablemente ou apenas, dos dos estudos biolóxicos e biomédicos altamente regulados pola súa necesidade de persoas, das súas mostras e dos seus datos, como suxeitos de estudo. En ciencia a avaliación científica e a avaliación ética considéranse complementarias. Non hai avaliación científica que poida obviar o valor social do coñecemento e das súas aplicacións esperables ao analizar as hipóteses, a metodoloxía, os antecedentes ou a capacitación do equipo, nin avaliación ética que ignore que unha metodoloxía incorrecta non pode compensarse cunha correcta protección da confidencialidade ou un aseguramento do dano impecables. De feito, é evidente que un proxecto de investigación metodolóxicamente incorrecto é eticamente inaceptable, especialmente se se realiza con persoas. A historia e a experiencia demostraron amplamente que o autocontrol é insuficiente e hoxe en día considéranse necesarias as avaliacións de proxectos de investigación de organismos independentes antes de comezar. Este seminario pretende expoñer por que todas as investigacións, incluída a investigación supervisada que utilice seres humanos, require a avaliación dun Comité de ética e quen, cando e como solicita e realiza a avaliación ética. A composición plural dos Comités de ética, o coñecemento e experiencia en ciencias biomédicas, biolóxicas, sociais, xurídicas e do comportamento, a capacidade de deliberar e transparentar as súas análises e informes son outra garantía que amosa que a investigación nestes campos está feita do mellor xeito posible, e para conseguir un ben social e protexer ás e os participantes. Esta actividade forma parte das liñas de accións do selo HR. Este selo busca mellorar o futuro profesional do personal investigador. Podes consultar máis información en: https://www.uvigo.gal/es/investigar/idi-uvigo/estrategia-investigadora/estrategia-personal-investigador-hrs4r . |
||||
Información de contacto: | |||||
· Teléfono | 986 812 035 | ||||
· Fax | |||||
· Enderezo electrónico | |||||
Compartir: |
Descrición
O curso Cuestións éticas na investigación con seres humanos: fundamentos, características e avaliación insírese dentro do Programa de Formación Permanente do PDI da Universidade de Vigo para o ano 2019. A actividade formativa está coorganizada pola Vicerreitoría de Investigación e a Área de Formación e Innovación Educativa.
Información sobre o calendario (datas)
Período de matrícula | 16/09/2019 12:00 - 06/10/2019 23:59 |
---|---|
Período de docencia | 22/10/2019 - 15/11/2019 |
Prazas e créditos
Número mínimo de participantes | 10 |
---|---|
Número máximo de participantes | 20 |
Destinatarios/as
Esta actividade está destinada a todo o persoal docente e investigador da Universidade de Vigo.
No caso de que quedasen prazas dispoñibles poderán participar outras persoas interesadas na formación.
Obxectivos
-
Comprender a importancia dos criterios éticos á hora de realizar investigacións con seres humanos.
-
Distinguir as funcións dos Comités de Ética da Investigación.
-
Identificar os tipos de investigación realizadas con seres humanos.
-
Aplicar boas prácticas científicas á investigación con seres humanos.
Calendario
Parte presencial (4 horas):
22 de outubro de 16 a 20 horas.
Parte a distancia (4 horas):
Do 23 ao 31 de outubro.
Programa
- Tipos de investigación:
As investigacións en Ciencias Biolóxicas, Biomédicas, Sociais, Xurídicas e da Conduta: Seres humanos, as súas mostras e/ou os seus datos como suxeitos de investigación. -
Fundamentos, valores e normas:
Ética, lexislación e Boas prácticas científicas na investigación con seres humanos. -
Aspectos problemáticos na investigación con seres humanos: enquisas e voluntariedade, recrutamento, confidencialidade, consentimento informado, aseguramento do dano, vulnerabilidade.
Impartido en
Campus de Vigo. Sala I do edificio Miralles.
Observacións
Acreditación da asistencia:
A superación desta actividade formativa será acreditada pola Universidade de Vigo a todas as persoas matriculadas que asistan a toda a sesión presencial do curso e obteñan a cualificación de apto/a na parte non presencial.
Profesorado
María Jesús Marcos Muñoz
Licenciada en Ciencias, sección Bioloxía pola Universidade do País Vasco (UPV/EHU). Experta en Bioética pola Escola Andaluza de Saúde Pública e Magister en Bioética pola UCM. É Técnica de ética na investigación universitaria e Secretaria técnica dos cómites de ética da UPV/EHU.