Metodoloxías participativas para a innovación social no rural a través da Axenda 2030 (Campus de Vigo)
Información do curso
Metodoloxías participativas para a innovación social no rural a través da Axenda 2030 (Campus de Vigo)
Tipo | Curso de formación do PDI | ||||
Código | AR19METVI | ||||
Nome | Metodoloxías participativas para a innovación social no rural a través da Axenda 2030 (Campus de Vigo) |
|
|||
Modalidade | Mixta (Presencial e virtual) | ||||
Horas | 30 | ||||
Descrición | O curso Metodoloxías participativas para a innovación social no rural a través da Axenda 2030 é unha actividade formativa da Vicerreitoría de Responsabilidade Social, Internacionalización e Cooperación que é recoñecida polas Vicerreitoría de Ordenación Académica e Profesorado coma Formación Permanente do PDI. |
||||
Información de contacto: | |||||
· Teléfono | 986 812 035 | ||||
· Fax | |||||
· Enderezo electrónico | |||||
Compartir: |
Descrición
Os Obxectivos de Desenvolvemento Sostible (ODS) marcan unha liña recta para acadar un futuro sostible con dignidade para todas as persoas para o 2030. Para conseguilo é preciso facer fronte ao desafío do despoboamento das zonas rurais que supoñen o 90% do territorio e que so acubillan o 20% da poboación.
As metodoloxías participativas buscan a participación activa da sociedade na transformación da súa contorna inmediata e son unha alternativa de intervención social para solucionar retos sociais. Estas metodoloxías que son lúdicas, interactivas, creativas, flexibles, fomentan a conciencia grupalestán orientadas aos procesos e son comprometidas e comprometedoras.
A proposta formativa pretende espertar a persoa facilitadora que levamos dentro para ser quen de facilitar procesos participativos orientados á innovación social no rural a través da axenda 2030.
A persoa facilitadora promove a participación, a reflexión, o diálogo entre todas as persoas incluidas no proceso. Trata de favorecer o debate aberto, multisectorial e participativo para incorporar a pluralidade de actores sociais que interveñen na problemática a tratar ou que habitan no territorio a intervir.
O rol dentro da dinámica grupal á construción de confianza e axudar a xerar consenso, promover a comunicación e diálogo, cooperar, acompañar e orientar os procesos e ante un conflito axudar aos/ás participantes a entender os diferentes puntos de vista.
Información sobre o calendario (datas)
Período de matrícula | 05/08/2019 12:00 - 27/09/2019 23:59 |
---|---|
Período de docencia | 30/09/2019 - 25/10/2019 |
Prazas e créditos
Número mínimo de participantes | 10 |
---|---|
Número máximo de participantes | 40 |
Destinatarios/as
Esta actividade está destinada a todo o persoal docente e investigador da Universidade de Vigo, mais terán preferencia o PDI que no 2019 participe de xeito activo en actividades de investigación vencelladas ao mundo rural e á Axenda 2030.
No caso de que quedasen prazas dispoñibles poderán participar outras persoas interesadas na formación.
Obxectivos
- Comprender os fundamentos da participación e facilitación.
- Distinguir as diversas ferramentas para a facilitación de grupos.
- Deseñar metodoloxías participativas para a innovación social.
Calendario
Parte presencial (6 horas) o curso ten dúas quendas:
O 30 de setembro de 10 a 14 e de 16 a 18 horas.
Ou e 1 de outubro de 10 a 14 e de 16 a 18 horas.
Parte non presencial (24 horas):
-Lecturas de contextualización previa (3 horas).
-Prácticas titorizadas (18 horas).
-Debriefing (3 horas).
Programa
-A axenda 2030: oportunidades e desafíos na súa aplicación no rural.
-Fundamentos da participación e a facilitación de grupos.
-Metodoloxías participativas: Dragon Dreaming, Aer of Hosting, Teoría U, Forum e Process Work.
-Ferramentas para a facilitación dos procesos participativos.
-Deseño de intervencións participativas para a innovación social.
-Avaliar a intervención participativa.
Impartido en
Campus de Vigo. Sala I do edificio Miralles.
Observacións
ACREDITACIÓN DA ASISTENCIA:
A asistencia a esta actividade formativa será acreditada pola Universidade de Vigo a todas as persoas inscritas que asistan á sesión presencial e obteñan a cualificación de aptitude na parte non presencial.
Profesorado
Pilar Casals Díaz
É Educadora social pola Universidade da Coruña e licenciada en Ciencias do Traballo pola Universidade de Granada. Cursou o mestrado de Asuntos Internacionais e Dereitos Humanos pola EF International School de Oxford e o mestrado de Recursos Humanos pola ISCT-IUL de Lisboa. É Experta en facilitación de grupos e posúe formación en Art of Hosting, Dragon Dreaming, Teoría U, Forum e Process Work.
Mariana Ruíz de Lobera
É doutora en Psicoloxía Social e licenciada en Socioloxía. Posúe formación en Art of Hosting, Dragon Dreaming, Teoría U, Forum, Process Work e Mindfulness. Imparte docencia na Universidade Autónoma de Madrid sobre liderado participativo e competencias para activar a intelixencia colectiva.
Desenvolve traballos de formación, facilitación e consultoría no terceiro sector e no ámbito corporativbo, sobre liderado saúdable, comunicación intercultural, resolución de conflitos, innovación colaborativa, formación de equipos e Mindfulness.