Boas prácticas no uso de equipos de protección individual para persoal de laboratorios (Ourense-mañá)
Información do curso
Boas prácticas no uso de equipos de protección individual para persoal de laboratorios (Ourense-mañá)
Tipo | Cursos de formación do persoal | ||||
Código | SPRLFOU1900701 | ||||
Nome | Boas prácticas no uso de equipos de protección individual para persoal de laboratorios (Ourense-mañá) |
|
|||
Modalidade | Presencial | ||||
Horas | 4 | ||||
Información de contacto: | |||||
· Teléfono | 986 81 40 88 | ||||
· Fax | |||||
· Enderezo electrónico | |||||
Compartir: |
Descrición
A finalidade deste curso é facilitar criterios de boas prácticas en relación aos seguintes equipos de protección individual:
- Roupa e luvas de protección, química e térmica
- Equipos de protección respiratoria
- Protectores oculares e faciais
- Calzado de seguridade
Entidades organizadoras
FREMAP, Mutua de Accidentes de Traballo e Enfermidades Profesionais da Seguridade Social, e o Servizo de Prevención de Riscos Laborais da Universidade de Vigo
Información sobre o calendario (datas)
Período de matrícula | 20/05/2019 09:00 - 30/05/2019 13:00 |
---|---|
Período de docencia | 25/06/2019 - 25/06/2019 |
Prazas e créditos
Número mínimo de participantes | 12 |
---|---|
Número máximo de participantes | 25 |
Destinatarios/as
Esta xornada vai dirixida a persoal do Campus de Ourense (PAS que realice traballos en laboratorio, PDI e responsables de laboratorio) que, pola súa actividade laboral, precisan coñecementos especializados para a correcta xestión de todos os aspectos relacionados coa selección de equipos de protección individual nos laboratorios ou talleres.
Obxectivos
Facilitar, dun modo eminentemente práctico, a elección óptima do equipo de protección individual máis axeitado.
Criterios de selección
Persoal do Campus de Ourense, por orde de inscrición.
Calendario
Data: 25 de xuño de 2019
Horario: das 09.30 h. ás 13.30 h.
Programa
Módulo 1: Normativa sobre comercialización e utilización dos EPI
- Certificación dos EPI
- EPI: Categoría I, II e III
- Condicións para a utilización polos traballadores dos EPI: RD 773/1997
- Obrigas do/a empresario/a e do persoal traballador
Módulo 2: Protección dos pés
- Tipos e modelos de calzado de seguridade
- Identificación e marcado de calzado
Módulo 3: Protección ocular e facial
- Tipos e modelos: gafas de montura integral, universal e pantalla facial
- Tipos de filtros dos oculares
- Marcado do ocular e a montura
Módulo 4: Protección da pel
- Luvas de protección química e biolóxica
- Diferenciación dos diferentes tipos e modelos de luvas
- Roupa de protección química e biolóxica
- Marcado de luvas e roupa de protección
Módulo 5: Protección respiratoria
- Tipos e clases de equipos de protección respiratoria
- Diferenciación de protección respiratoria, identificación e marcado
- Proba de axuste de diversos equipos de protección respiratoria
Impartido en
Na aula B1 do Edificio Politécnico.
Profesorado
D. Robert R. Näf Cortés, Enxeñeiro Agrónomo, licenciado en Ciencia e Tecnoloxía dos Alimentos, Técnico Superior en Prevención de Riscos Laborais nas tres especialidades. Desde o seu ingreso en FREMAP en 2007 a súa actividade centrouse na área da hixiene industrial, participando como experto sobre axentes físicos en numerosas actividades de divulgación e formativas. Actualmente é membro do Equipo de Especialización de Equipos de Protección Individual de FREMAP.
D. David Rodríguez Pérez, licenciado en Química, Conselleiro de Seguridade no Transporte de Mercancías Perigosas, Técnico Superior en Prevención de Riscos Laborais nas tres especialidades. Desde a súa incorporación a FREMAP en 2007 especializouse en risco químico. Actualmente tamén é membro do Equipo de Especialización de Equipos de Protección Individual de FREMAP.