Descrición

Como cada ano desde 2013, as unidades de igualdad de xénero das tres universidades públicas galegas traballamos conxuntamente para facer realidade a quinta edición da Xornada Universitaria Galega en Xénero, punto de encontro e reflexión para o persoal docente e investigador que traballa con perspectiva de xénero

Nesta edición, continuamos a liña de traballo iniciada en 2016 para centrarnos na práctica docente como medio idóneo para a transmisión dos valores igualitarios que permitan una auténtica transformación social; pero tamén, conscientes da necesidade das investigacións feministas e de xénero, que achegan  os datos e instrumentos necesarios para acadar o ansiado cambio social, enfocarémonos en tres áreas temáticas de investigación. Como na edición anterior, abrimos a convocatoria ao persoaal docente e investigador de fóra doámbito do sistema universitario galego.

As áreas temáticas desta edición son:

Docencia:

• Prácticas docentes innovadoras con perspectiva de xénero nas aulas universitarias.
• Experiencias de inclusión da perspectiva de xénero noutras etapas educativas.
• Comunicación inclusiva: o uso da linguaxe e asimaxes na docencia.

 Investigación:

• Perspectivas feministas na investigación universitaria.
• Representacións de xénero na cultura popular: avances e retrocesos.
• Diversidade sexual no ámbito educativo.

Entidades organizadoras

Unidade de Igualdade da Universidade de Vigo.

Oficina para a Igualdade de Xénero da Universidade da Coruña.

Oficina de Igualdade de Xénero da Universidade de Santiago de Compostela.

Información sobre o calendario (datas)

Prazas e créditos

Destinatarios/as

Todo o persoal docente e investigador das universidades galegas e do Estado Español.

Asociacións feministas e de mulleres.

Calquera persoa interesada.

Obxectivos

• Impulsar a aplicación da transversalidade de xénero como un criterio de excelencia universitaria e como medio de transformación social.
• Intercambiar experiencias entre o persoal docente e investigador que teña integrado a perspectiva de xénero na súa práctica docente e/ou investigadora e quen teñainterese en incorporala.
• Impulsar o debate sobre os cambios nos roles de xénero para crear unha sociedade máis xusta e equitativa.
• Promover a creación de redes de colaboración multidisciplinares para integrar a perspectiva de xénero en toda a actividade universitaria.

Condicións de acceso

Por orde de inscrición ata completar aforo.

Inscrición a través do procedemento establecido en Bubela  e nas datas fixadas.

Calendario

7 de xullo de 2017.

Programa

 9.30-10.00 h  Rexistro de asistentes.

 10.00-10.30 h Inauguración polas autoridades universitarias.

 10.30-11.30 h Conferencia inaugural titulada «Feminismos e movementos trans na encrucillada» a cargo de Raquel (Lucas) Platero Méndez, docente, investigador e activista dos dereitos LGTBIQ.

11.30-12.00 h Pausa café.

12.00-13.30 h PrimeIra sesión oral de comunicacións.

13.30-15.00 h Xantar-bufete.

15.00-16.30 h Sesión póster.

16.30-17.00 h Pausa café.

17.00-18.30 h Segunda sesión oral de comunicacións.

18.30-18.45 h Conclusións

18.45-19.00 h Entrega de diplomas.

Modo de pagamento

A Xornada será gratuíta.

A eficiencia no gasto público é responsabilidade de todas as persoas. Por iso, pedímoslle que antes de inscribirse na Xornada valore se realmente pode asistir e se, unha vez feita a inscrición lle resultase imposible, comunique á organización a súa ausencia. Isto evitará desbotar recursos contando co número de asistentes máis aproximado á realidade.

Impartido en

A V Xornada Universitaria Galega en Xénero. Transformando dende a Universidade terá lugar na sala de conferencias da sede de Vigo de A Fundación situada en Policarpo Sanz, 24-26.

Observacións

Tanto a asistencia como a presentación de traballos recibirán recoñecemento mediante a correspondente acreditación polas 3 universidades do sistema universitario galego.

Realizarase unha publicación con ISBN dos traballos presentados e defendidos.