III Xornada Universitaria Galega en Xénero. Trazos de xénero no século XXI
Información do curso
III Xornada Universitaria Galega en Xénero. Trazos de xénero no século XXI
Descrición
As oficinas/unidade de igualdade das tres universidades galegas organizamos a III Xornada Universitaria Galega en Xénero que terá lugar o día 5 de xuño no campus de Pontevedra da Universidade de Vigo.
Este ano a Xornada achégase, dende unha perspectiva crítica e multidisciplinar, aos retos que se formulan nos estudos de xénero e nos feminismos do século XXI. Así, a III Xornada Universitaria Galega en Xénero abordará tres áreas temáticas:
Xénero e desenvolvemento sostible. Coordina: Unidade de Igualdade da Uvigo
Corpos e corporalidades en crise. Coordina: Oficina para a Igualdade de Xénero da UDC
Violencia de xénero: persistencia e novas formas. Coordina: Oficina de Igualdade de Xénero da USC
Entidades organizadoras
Unidade de Igualdade da Universidade de Vigo
Oficina para a Igualdade de Xénero da Universidade da Coruña
Oficina de Igualdade de Xénero da Universidade de Santiago de Compostela
Prazas e créditos
Número mínimo de participantes | 20 |
---|---|
Número máximo de participantes | 100 |
Destinatarios/as
Todo o persoal docente e investigador pertencente ao sistema universitario galego.
Hai dúas formas de participación na III XUGeX.Trazos de xénero no século XXI:
1. Como asistente, para o que só hai que matricularse na Xornada a través desta aplicación informática.
2. Como participante, presentando unha comunicación-poster para o que ademais de matricularse, haberá que enviar a proposta de comunicación segundo o indicado.
Obxectivos
Crear un punto de encontro e intercambio para aproveitar as sinerxías do persoal docente e investigador do Sistema Universitario Galego.
Visibilizar as investigacións relacionadas coas temáticas da Xornada.
Promover a creación de redes de investigación interuniversitarias e multidisciplinares con perspectiva de xénero.
Condicións de acceso
As propostas de comunicación, relacionadas coas temáticas da Xornada, deberán empregar unha linguaxe inclusiva e serán sometidas á avaliación dun comité científico.
Os idiomas da Xornada serán o galego e o castelán. O libro de actas será publicado co seu correspondente ISBN.
A presentación de propostas será a través do envío da comunicación completa aos seguintes enderezos electrónicos, segundo a área temática analizada.
Comunicacións da área temática Xénero e desenvolvemento sostible: igualdade@uvigo.es
Comunicacións da área temática Corpos e corporalidades en crise: oficina.igualdade@udc.es
Comunicacións da área temática Violencia de xénero: persistencia e novas formas oix@usc.es
A proposta de comunicación debe ser presentada no formato proposto pola organización e non poderá superar as 6 páxinas.
Calendario
O prazo para matricularse na Xornada como asistente rematará o 1 de xuño.
O prazo para presentar comunicacións rematará o 6 de maio.
Antes do día 26 de maio será comunicada ás autoras ou autores a aceptación ou non da súa comunicación-pòster.
Programa
9.30-10.00 h Rexistro de asistentes
10.00-10.30 h Inauguración da xornada
10.30-11.30 Conferencia inaugural
O camiño da igualdade de xénero no proceso internacional do cambio climático
Verania Chao Rebolledo, especialista en medio ambiente e cambio climático do Programa das Naciones Unidas para o Desenvolvemento (PNUD). Grupo en Xénero
11.30-12.00 h Pausa café
12.00-13.30 h Mesa redonda: Xénero e desenvolvemento sostible
Moderadora: Azucena Arias Correa, Universidade de Vigo
- María Álvarez Lires, Universidade de Vigo
- María Xosé Rodríguez Galdo, Universidade de Santiago de Compostela
- María Concepción Carreiro Otero, Universidade da Coruña
13.30-14.45 h Xantar
14.45-15.30 Sesión póster
15.30-17.00 h Mesa redonda: Corpos e corporalidades en crise
Moderadora: Cristina López Villar, Universidade da Coruña
- Reene de Palma, Universidade da Coruña
- Carmen Senra Rivera, Universidade de Santiago de Compostela
- Carlos Tejo Veloso, Universidade de Vigo
17.00- 17.30 Pausa café
17.30-19.00 Mesa redonda. Violencia de xénero: persistencia e novas formas.
Moderadora: Lourdes Mella Méndez, Universidade de Santiago de Compostela
- Jorge García Marín, Universidade de Santiago de Compostela
- Nereida María Canosa Domínguez, Universidade da Coruña
- Águeda Gómez Suárez, Universidade de Vigo
19.00-19.15 h Conclusións da xornada
19.15-19.45 h. Entrega de diplomas acreditativos
Modo de pagamento
A Xornada será gratuíta.
A eficiencia no gasto público é responsabilidade de todas as persoas. Por iso, pedímoslle que antes de inscribirse na Xornada valore se realmente pode asistir e se, unha vez feita a inscrición lle resultase imposible, comunique á organización a súa ausencia. Isto evitará desbotar recursos contando co número de asistentes máis aproximado á realidade.
Impartido en
Salón de actos da Facultade de Belas Artes de Pontevedra.
Observacións
Tanto a asistencia como a presentación de traballos recibirán recoñecemento mediante a correspondente acreditación polas 3 universidades do sistema universitario galego.
Durante a Xornada premiaranse os mellores pósteres presentados, atendendo á estrutura formal e o deseño. Outorgaranse un 1º premio e un accésit. A proclamación das persoas premiadas realizarase ao finalizar a xornada. O xurado estará composto polas coordinadoras de cada mesa e polas directoras das unidade/oficinas para a igualdade de xénero das tres universidades.