- Catálogo
-
:::
:::
Formulación de proxectos de cooperación e educación para o desenvolvemento: o financiamento de organismos multilaterais - CAMPUS DE VIGO
Información do curso
Formulación de proxectos de cooperación e educación para o desenvolvemento: o financiamento de organismos multilaterais - CAMPUS DE VIGO
| Tipo | Curso de formación do PDI | ||||
| Código | PFPPTALL15VI | ||||
| Nome | Formulación de proxectos de cooperación e educación para o desenvolvemento: o financiamento de organismos multilaterais - CAMPUS DE VIGO |
|
|||
| Modalidade | Presencial | ||||
| Horas | 8 | ||||
| Descrición | A presente capacitación sobre licitacións pretende poñer ao alcance da Universidade de Vigo as principais ferramentas e habilidades requiridas para entrar con éxito neste ámbito, así como proporcionar o know-how e coñecementos máis reveladores e dotar ás persoas que participen dunha formación suficiente para desenvolver as súas propias estratexias de implantación. Organismos e institucións multinacionais coma a Unión Europea, Nacións Unidas, o Banco Mundial, os bancos de desenvolvemento rexional etc. financian proxectos de asistencia técnica internacional en diferentes países. O procedemento comunmente empregado para adxudicar a execución destes proxectos é o de licitación pública. Cada un destes organismos de financiamento ten os seus propios procedementos e idiosincrasia. O éxito nos procesos de licitación é a chave para podelos poñer en funcionamento e para iso resulta imprescindible coñecer fondamente as distintas etapas do ciclo de licitación. O ciclo de licitación é a secuencia que transcorre desde a publicación dun anuncio de invitación que nos interesa ata a presentación final dunha oferta en resposta ao mesmo. Mais se se quere xerar avantaxes neste ámbito cómpre dominar o proceso que comeza coa definición dunha estratexia para a elección do ámbito sectorial e xeográfico prioritario e a detección de oportunidades.
|
||||
| Información de contacto: | |||||
| · Teléfono | 986812035 | ||||
| · Fax | |||||
| · Enderezo electrónico | |||||
| Compartir: |
|
||||
Descrición
O Curso de formulación de proxectos de cooperación e educación para o desenvolvemento: o financiamento de organismos multilaterais insírese dentro das accións formativas institucionais da Universidade de Vigo para o ano 2015. A devandita acción formativa está financiada pola Xunta de Galicia, a Dirección Xeral de Relacións Exteriores e as tres universidades galegas para a posta en marcha da Rede Galega de Cooperación Universitaria ao Desenvolvemento (RGCUD) e ten como obxectivo potenciar as actividades de cooperación ao desenvolvemento nas universidades públicas galegas.
Páxina web do curso
http://vicadc.uvigo.es/vicadc_gl/formacion/Información sobre o calendario (datas)
| Período de matrícula | 13/04/2015 14:00 - 04/05/2015 23:59 |
|---|---|
| Período de docencia | 05/05/2015 - 06/05/2015 |
Prazas e créditos
| Número mínimo de participantes | 0 |
|---|---|
| Número máximo de participantes | 25 |
Destinatarios/as
A acción formativa está destinada a todo o profesorado da Universidade de Vigo.
Obxectivos
- Afondar no coñecemento das licitacións internacionais
- Ser quen de determinar o interese e potencialidade dun proxecto
- Delimitar as características, procedementos e aspectos operativos máis importantes
- Aprender os pasos iniciais para desenvolverse con estes organismos de financiación
- Consolidar o know how e metodoloxías imprescindibles para ter éxito
- Ampliar as estratexias de adquirir información suficiente para deseñar unha estratexia de implantación
Calendario
Días: 5 e 6 de maio.
Horario: de 10 a 14 horas.
Impartido en
Campus de Vigo. Salón de graos da Facultade de Ciencias Económicas e Empresariais.
Observacións
ACREDITACIÓN DA ASISTENCIA:
A asistencia a esta actividade formativa será acreditada pola Universidade de Vigo a todas as persoas inscritas que asistan a todas as sesións que ten o curso.
Profesorado
Javier Vallejo Poza
Avogado e economista(ICADE E-3), MBA Internacional pola Escola da Cámara de Comercio de París e pola Escola Superior de Xestión Comercial e Mercadotecnia (ESIC), desenvolveu a súa traxectoria no ámbito da dirección e xestión de proxectos de consultaría internacional e de cooperación ao desenvolvemento durante máis de 15 anos, participando na preparación de numerosas licitacións e na execución de proxectos para organismos públicos nacionais e internacionais (UE, Banco Mundial e BID).
Traballou en máis de 20 diferentes países de Europa do Leste; Centro e Sudamérica; África e Asia. Foi director para Latinoamérica, África e Asia de Altair Asesores, director de proxectos de Eptisa Internacional para Europa do Leste, director de proxectos de Consultrans (Grupo Altran), asesor de internacionalización de Fecoval e socio-director de DevStat S.L. E interveu como relator en máis de 40 cursos, talleres, conferencias e seminarios. Tamén asesorou individualmente a máis de 20 empresas e institucións sobre acceso e preparación de licitacións internacionais de obras, enxeñaría e servizos.
Na actualidade é socio-director de Coast to Coast SL e experto independente, colaborando en actividades de identificación, avaliación, asesoramento, consultaría e formación para institucións como a Unión Europea, a OEI (Organización de Estados Ibero-americanos) ou a AECID (Axencia Española de Cooperación Internacional para o Desenvolvemento ) e para numerosas entidades de ámbito rexional en España.
