Descrición

O Curso de introdución á educación para o desenvolvemento na práctica docente insírese dentro das accións formativas institucionais da Universidade de Vigo para o ano 2014. A devandita acción formativa está organizada pola Coordinadora ONG para el desarrollo-España (CONGDE) no marco das actividades financiadas mediante o convenio entre a Xunta de Galicia, a Dirección Xeral de Relacións Exteriores e as tres universidades galegas que ten como obxectivo potenciar as actividades de cooperación ao desenvolvemento nas universidades públicas galegas.

Páxina web do curso

Información sobre o calendario (datas)

Prazas e créditos

Destinatarios/as

A acción formativa está destinada a todo o persoal docente investigador da Universidade de Vigo.

Obxectivos

• Adquirir coñecementos da evolución da educación para o desenvolvemento e os elementos principais da última xeración.
• Analizar posibilidades de aplicación na práctica docente de elementos da última xeración da educación para o desenvolvemento (EpD), así como os restos e oportunidades para esta área nas universidades galegas.
• Traballar ferramentas concretas que poidan axudar ao profesorado que desexe integrar elementos da EpD na súa práctica docente.

Calendario

Día: 11 de decembro.
Horario: de 10 a 14 e de 16 a 20 horas.

Programa

1.    Educación para o desenvolvemento: evolución dos conceptos de desenvolvemento e educación para o desenvolvemento.

2.    A educación para o desenvolvemento de última xeración: educación para a cidadanía global ou cosmopolita.

3.    A universidade como axente de desenvolvemento. Especificidade en educación e investigación para o desenvolvemento (IpD).

4.    Marco de acción para as universidades galegas na educación para o desenvolvemento:

-Lexislación.           
-Ferramentas de apoio estratéxico á educación para o desenvolvemento desde a universidade en Galicia (Rede Galega de Cooperación Universitaria para o Desenvolvemento, Cooperación Galega da Xunta de Galicia, alianzas con ONGD, redes de profesorado de educación para o desenvolvemento, «Agencia Española de Cooperación para el Desarrollo» etc).

5.    Exemplos de experiencias existentes xa en Galicia:

-Materias específicas sobre cooperación e educación para o desenvolvemento.
-Colaboración para a organización de cursos con recoñecemento académica sobre esta temática.
-Xeración de materiais que permitan transversalizar elementos da EpD na práctica docente habitual.
-Alianzas con ONGD para proxectos de investigación para o desenvolvemento.
-Acceso a subvencións específicas para universidades para proxectos internacionais de cooperación ao desenvolvemento ou para accións de EpD ou IpD.
-Estancias de investigación para persoal docente e alumnado no  marco de programas internacionais de cooperación que poden estar vinculados a proxectos de investigación ou proxectos de fin de carreira, dirección de teses ou proxectos de fin de carreira con contidos de EpD ou cooperación para o desenvolvemento.
-Rede galega de educación para o desenvolvemento na docencia universitaria.
-Diagnose sobre a educación para o desenvolvemento na universidade pública galega.

6.    Xeración de novas propostas. Viabilidade, retos e oportunidades futuras.

Impartido en

Campus de Pontevedra. Facultade de Ciencias da Educación e do Deporte. De 10 a 14 horas desenvolverase na aula 11 e de 16 a 20 horas desenvolverase na aula 1.

Observacións

ACREDITACIÓN DA ASISTENCIA:

A asistencia a esta actividade formativa será acreditada pola Universidade de Vigo a todas as persoas inscritas que asistan a todas as  sesións  que ten o curso.

Profesorado

Sergio Fernández Alonso

Técnico de proxectos da ONGD Enxeñaría Sen Fronteiras de Galicia