Crea e xestiona o teu perfil investigador
Información do curso
Crea e xestiona o teu perfil investigador
Tipo | Curso de formación do PDI | ||||
Código | PFPIPERFIL221 | ||||
Nome | Crea e xestiona o teu perfil investigador |
|
|||
Modalidade | Virtual asíncrona | ||||
Horas | 20 | ||||
Descrición | Esta actividade forma parte das liñas de accións do selo HR. Este selo busca mellorar o futuro profesional do persoal investigador. Podes consultar máis información en: https://www.uvigo.gal/es/investigar/idi-uvigo/estrategia-investigadora/estrategia-personal-investigador-hrs4r
|
||||
Información de contacto: | |||||
· Teléfono | 986130304 | ||||
· Fax | |||||
· Enderezo electrónico | |||||
Compartir: |
Descrición
O uso de formas diferentes no nome persoal do investigador/a ou da súa institución nas publicacións científicas dificulta a recuperación nas bases de datos das súas sinaturas e das citas recibidas e diminúe a visibilidade da súa produción científica e o da súa institución. En consecuencia, é necesario elixir unha firma normalizada que identifique claramente ao investigador/a e o distinga dos demais. Paralelamente, existen identificadores como ORCID ID e perfís de investigador/a onde o persoal investigador achega os seus datos de filiación institucional, a traxectoria académica e a produción científica co fin de darse a coñecer a outros membros da comunidade científica ou distinguirse doutros colegas. Polo tanto, actúan en dous eixos: a desambiguación e a visibilidade dos resultados de investigación. Tanto a normalización da sinatura como o uso de identificadores son dúas actividades esenciais para xestionar adecuadamente a identidade dixital como investigador/a na actual contorna da investigación científica.
Información sobre o calendario (datas)
Período de matrícula | 28/06/2022 12:00 - 01/07/2022 14:00 |
---|---|
Período de docencia | 04/07/2022 - 27/07/2022 |
Prazas e créditos
Número mínimo de participantes | 10 |
---|---|
Número máximo de participantes | 20 |
Destinatarios/as
Este curso vai dirixido preferentemente a persoal docente e investigador da Universidade de Vigo sen coñecementos previos ou con coñecementos básicos sobre perfís de investigador/a (por exemplo, que non conten co identificador ORCID ID ou que necesiten completalo e vinculalo con outros perfís, ou ben que necesiten crear e xestionar outros perfís como ResearcherID (WoS), Scopus Author ID, Google Scholar, etc.).
Obxectivos
Comprender a importancia da normalización da sinatura científica e da correcta xestión da identidade dixital na actual contorna da investigación.
Coñecer os pasos para normalizar a sinatura científica e aplicar o Protocolo de normalización da filiación institucional e do nome persoal nas publicacións do persoal vinculado á Universidade de Vigo. Normalizar a sinatura nas bases de datos Web of Science e Scopus.
Crear e/ou xestionar o ORCID ID e os perfís WOS Researcher ID, Scopus Author ID, Google Scholar e Dialnet.
Condicións de acceso
Persoal docente e investigador da Universidade de Vigo.
No caso de quedar prazas dispoñibles poderán participar outras persoa interesadas na formación vinculadas á Universidade de Vigo, baixo o criterio da Escola Aberta de Formación Permanente.
Criterios de selección
Por orde de inscrición entre as persoas que cumpran os requisitos para participar.
Calendario
Do 4 de xullo ao 27 de xullo de 2022
Programa
Módulo 0: A identidade dixital do investigador/a
Módulo 1: A normalización da sinatura científica
Módulo 2: Identificadores e perfís de autor/a
Módulo 3: ORCID ID
Módulo 4: Scopus AuthorID
Módulo 5: WOS ResearcherID e Publons
Módulo 6: Dialnet e Google Scholar
Módulo 7: Estratexias para visibilizar a produción científica
Cada un dos módulos estrutúrase nunha introdución, bloques de contido, unha tarefa práctica e un test de autoavaliación. No módulo 0 haberá tamén un Foro avaliable.
Impartido en
Plataforma MOOVI e titorías virtuais no Campus Remoto
Titulación
A superación desta actividade formativa será acreditada pola Universidade de Vigo
O diploma poderá descargarse da plataforma MOOVI e estará dispoñible nun prazo de 15 días desde a finalización da formación.
Profesorado
Héctor Castro Rey. Desde o ano 2000 presta os seus servizos na Biblioteca Universitaria de Vigo, dedicándose a funcións de información bibliográfica e referencia, que complementa coas de bibliotecario formador. Impartiu numerosos cursos de alfabetización informacional presenciais e en liña en graos e posgraos da Universidade de Vigo, así como no Programa de Formación Permanente do Profesorado. Actualmente é o responsable da Sección de Soporte á Aprendizaxe e á Investigación da Biblioteca Universitaria.
Participará persoal da Biblioteca Central do Campus de Vigo
Sistema de avaliación
Para superar o curso valorarase a participación nos foros e a realización das actividades propostas polos docentes na plataforma MOOVI