Descrición

Este curso insírese dentro do Programa de Formación Permanente do Profesorado da Universidade de Vigo para o ano 2021.

Entidades organizadoras

Esta formación está incluída no marco das actividades organizadas pola Rede Galega de Cooperación Universitaria ao Desenvolvemento (RGCUD) e organizada pola Vicerreitoría de Responsabilidade Social, Internacionalización e Cooperación e a Área de Formación e Innovación Educativa (Escola Aberta de Formación Permanente).

Información sobre o calendario (datas)

Prazas e créditos

Destinatarios/as

Esta actividade está destinada ao profesorado da Universidade de Vigo. Terá prefencia o profesorado con vinculación permanente a tempo completo.

Se quedan prazas dispoñibles poderán participar outros perfís da Universidade de Vigo, baixo o criterio da Área de Formación e Innovación Educativa.

Obxectivos

• Coñecer as bases das convocatorias de Cooperación da Xunta de Galicia.
• Familiarizarse coa documentación a presentar.
• Familiarizarse co marco lóxico.
• Coñecer o procedemento de presentación.
• Coñecer os puntos fortes e débiles dos proxectos cara a formulación da convocatoria.

Criterios de selección

Por orde de preinscrición.

Calendario

O curso desenvolverase en modalidade virtual síncrona os días 15, 16 e 17 de decembro de 16 a 20 horas.

Programa

SESIÓN 1:
-Bases das convocatorias.
-Requisitos.
-Documentación.
-Financiamento, gastos permitidos.
-Criterios de valoración.
-Presentación de solicitudes.
-Sede electrónica da Xunta.
-Subsanación de requirimento.

SESIÓN 2
-Formulación do proxecto.
-Marco lóxico.

SESIÓN 3
-Documentación a presentar.
-Formulario da solicitude.
-Orzamento económico.

Impartido en

A través de Teams.

Profesorado

Juan Antonio Ortiz Delgado

Estudou Arquitectura na Universidade da Coruña e un Mestrado en Avaliación de Programas e Políticas Públicas pola Universidade Complutense de Madrid. Conta con estudos de posgrao e formacións específicas en cooperación ao
desenvolvemento, financiamento internacional para este tipo de proxectos, formulación orientada a resultados, avaliación de
impacto e outras.
É voluntario de Arquitectura Sen Fronteiras Galicia desde 2010, e desde 2016 é o responsable de xestión na demarcación de Galicia. Entre outras labores, encárgase da formulación e xustificación de proxectos de cooperación exterior e educación para a cidadanía global financiados pola Xunta de Galicia, a Deputación da Coruña e outras entidades tanto públicas como privadas.
Como consultor independente ten experiencia en avaliacións, liñas de base e investigación social.

Marta Díaz del Río García

Estudou Psicoloxía na Universidade Complutense de Madrid. Ten desenvolvido diversos estudos de posgrao e mestrado en diferentes universidades relacionados con educación, cooperación internacional e xénero.
Conta con 10 anos de experiencia no ámbito social, tanto en ONG sociais coma de desenvolvemento.
Algunha das entidades
coas que ten colaborado son: ACSUR-Las Segovias-Galiza, Acción contra a Fame Navarra, Médicos do Mundo Bilbao,
InteRed Galicia, Arquitectura sen Fronteiras, no campo de ONGD. Traballou coma Coordinadora de Programas de
Intervención Social durante 9 anos en Acción Familiar Ferrol.
Actualmente traballa como consultora independente en Faísca Consultora, desenvolvemento tarefas de avaliacións,
diagnóstico, plans estratéxicos, sistematizacións etc., mediante metodoloxías cuantitativas e cualitativas de investigación
social.

Lucía García-Cernuda Ruiz de Alda

Estudou Arquitectura na Universidade da Coruña, un Mestrado en formación de profesorado coa especialidade de matemáticas e está finalizando o Mestrado de Cooperación Internacional e Educación  Emancipadora pola Universidade do País Vasco, xunto a distintos cursos sobre cooperación ao desenvolvemento, enfoque de marco lóxico e formulación orientada a resultados. Actualmente desenvolve o seu labor educativo na área da Educación para o Desenvolvemento, vinculada a Arquitectura Sen Fronteiras e ao terceiro sector e colabora co ProxectoTERRA, programa educativo de arquitectura, paisaxe e territorio.

Sistema de avaliación

• Requerirase un mínimo de asistencia do 80 % das sesións.
• Superación dun traballo colaborativo.