Descrición

Este curso insírese dentro do Programa de Formación Permanente do Profesorado da Universidade de Vigo para o ano 2021.

Entidades organizadoras

Área de Formación e Innovación Educativa (Escola Aberta de Formación Permanente).

Información sobre o calendario (datas)

Prazas e créditos

Destinatarios/as

Esta actividade está destinada ao profesorado da Universidade de Vigo. Terá prefencia o profesorado que estea no POD deste ano académico.
Se quedan prazas dispoñibles poderán participar outros perfís da Universidade de Vigo, baixo o criterio da Área de Formación e Innovación Educativa.

Obxectivos

• Comprender as utilidades das analíticas da aprendizaxe na educación.
• Analizar información da aprendizaxe do estudantado con fins de: recoller, procesar, representar e interpretar os datos educativos, posibilitando o seguimento e a toma de decisións.
• Interpretar os modelos da xestión e avaliación da calidade educativa como obxecto de transformación, considerando o ámbito de desenvolvemento profesional no que se desenvolve.

Criterios de selección

Por orde de preinscrición.

Calendario

O curso desenvolverase en modalidade virtual:
Parte síncrona: desenvolverase o 13 de decembro de 18 a 20 horas.
Parte asíncrona: desenvolverase do 13 ao 20 de decembro.

Programa

Módulo 1: Primeiros pasos ás analíticas de aprendizaxe (learning analytics):
- A analítica da aprendizaxe non é Big Data.
- Da  observación analítica da aprendizaxe.
- Sobre a estratexia, proceso e madurez nas  analíticas de aprendizaxe.
- Tres aproximacións á análise de datos educativos.
- Niveis, fases e tempos na execución analítica da aprendizaxe.
- Os niveis de cobertura analítica publicados na UNESCO  IITE: Macro, Meso e Micro.

Módulo 2: De Bloom a  Gagné pasando por Sócrates. Analítica de datos e niveis cognitivos:
- Revisar os tipos e niveis de coñecemento para planificar distintos tipos de avaliación.
- Taxonomías da aprendizaxe: Sócrates. Bloom e  Gagné.
- A “arte de saber preguntar”.

Módulo 3: Analíticas de datos con Data Studio:
- Preparación de fontes de datos.
- Conectar ad fontes dos datos.
- Funcionamento de Data Studio.
- Como crear e editar paneis de mandos.
- Como colaborar e compartir información con outros usuarios/ as.
- Elaboración dun exemplo real de analítica baseado en formularios de Google.

Impartido en

Desenvolverase na plataforma Moovi e no Campus remoto.

Profesorado

Raúl Santiago Campión

É doutor en Ciencias da Educación pola Universidade de Navarra e profesor titular da área de Didáctica e Organización Escolar da Universidad de La Rioja.

Escribiu e colaborou en libros coma:
The Flipped  Classroom: como converter a escola nun lugar de aprendizaxe.
Metodoloxías inductivas: O desafío de ensinar mediante o  cuestionamiento e os retos.
Tecnoloxía móbil e innovación en educación: novos retos e realidades na aula.
Learning Analytics: A narración da aprendizaxe a través dos datos.
The flipped  Classroom: 33 experiencias que poñen patas para arriba a aprendizaxe.
Aprender ao revés:  Flipped  Learning 3.0 e Metodoloxías  Indutivas na aula.

Mariano Salas Martínez

É enxeñeiro técnico. Posúe formación sobre Xestión de tecnoloxías para e-learning, Realidade Virtual e video produción 360º, e leva máis de 13 anos desenvolvendo proxectos de transformación dixital.

Sistema de avaliación

• Asistencia a todo o curso.
• Superación do cuestionario-test final de avaliación.