Ideas para usar Moovie e facer vídeos curtos
Información do curso
Ideas para usar Moovie e facer vídeos curtos
Tipo | Actividades recoñecidas coma formación permanente do profesorado | ||||
Código | ARFP21ID | ||||
Nome | Ideas para usar Moovie e facer vídeos curtos |
|
|||
Modalidade | Mixta (Presencial e virtual) | ||||
Horas | 20 | ||||
Descrición | En moitas ocasións a plataforma MOOVI dunha materia contén moita información. Neste caso é importante que a información estea estruturada de forma clara e sinxela. Isto facilita o acceso á información para o alumnado e axuda ao profesorado na estruturación. Doutra banda, a realización de vídeos curtos para explicar determinados contidos, facilita a aprendizaxe por parte do alumnado e quita traballo repetitivo ao profesor/a, permitíndolle centrarse noutras tarefas. Estes vídeos permítennos reforzar algún contido e/ou explicar eses aspectos que xeran moitas dúbidas nos alumnos/as e unha elevada cantidade de consultas en titorías. |
||||
Información de contacto: | |||||
· Teléfono | 986812035 | ||||
· Fax | |||||
· Enderezo electrónico | |||||
Compartir: |
Descrición
Esta actividade formativa está recoñecida coma formación permanente do profesorado da Universidade de Vigo para o ano 2021.
Entidades organizadoras
Información sobre o calendario (datas)
Período de matrícula | 02/08/2021 12:00 - 02/09/2021 23:59 |
---|---|
Período de docencia | 10/09/2021 - 17/09/2021 |
Prazas e créditos
Número máximo de participantes | 20 |
---|
Destinatarios/as
Esta actividade está destinada ao profesorado que participa no Grupo de Innovación Docente RED-IS (Rede Educativa Docente-Innovar en Sociedade) da Universidade de Vigo.
Se quedan quedan prazas dispoñibles poderán participar outros profesores/as da Universidade de Vigo.
Obxectivos
- Aprender técnicas para organizar a información en MOOVI.
- Aprender a facer vídeos curtos (da orde de 10 minutos) para explicar contidos puntuais utilizando ferramentas de gravación e edición básicas.
Calendario
A parte presencial desenvolverase os días 10 e 17 de setembro de 9.30 a 13.30 horas.
A parte non presencial abrangue 8 horas de traballo autónomo (exercicios) e 4 horas de titorías a través do Campus Remoto.
Programa
- Organizar a información en Moovi.
- Modos de organización gráfica con " grid" e " tiles".
- Ideas para publicar ficheiros, ligazóns de vídeo etc.
- Crear índices dentro dos apartados de Moovi.
- Realización de vídeos curtos.
- Formulación didáctica do vídeo.
- Tarefas previas para preparar o vídeo.
- Ferramentas para gravar facilmente un vídeo breve (Windows, LOOM, OBS...).
- Edición básica e sinxela dun vídeo.
Impartido en
A parte presencial desenvolverase no Campus de Vigo.
As titorías desenvolveranse a través do Campus remoto.
Profesorado
José Antonio Alonso Rodríguez
É profesor titular do Departamento de Deseño na Enxeñaría da Universidade de Vigo. Coordina o Grupo de Innovación Docente ReD-IS (Red Educativa Docente Innovación en la Sociedad). Ten un Mestrado en Lingua e Comunicación nos Negocios. Ten experiencia traballando con metodoloxías de Aprendizaxe Baseada en Proxectos (PBL), Design Thinking e outras técnicas de innovación educativa.
José Luis González Cespón
É profesor titular do Departamento de Deseño na Enxeñaría da Universidade de Vigo. Participa Grupo de Innovación Docente ReD-IS (Red Educativa Docente Innovación en la Sociedad). Ten experiencia traballando con metodoloxías de Aprendizaxe Baseada en Proxectos (PBL), Design Thinking e outras técnicas de innovación educativa.
Sistema de avaliación
Asistencia ao 80 % das sesións presenciais e a superación dos exercicios propostos.