Propiedade intelectual e persoal docente universitario (Modalidade virtual síncrona)

Información do curso

Propiedade intelectual e persoal docente universitario (Modalidade virtual síncrona)


Tipo Curso de formación do PDI
Código PFPPPROP201
Nome Propiedade intelectual e persoal docente universitario (Modalidade virtual síncrona)
  Lembre que para acceder ou matricularse nos cursos debe entrar no sistema polo menú de Acceso (á esquerda da ventá). Se aínda non está rexistrado prema aquí.
Modalidade Virtual asíncrona
Horas 8
Descrición

Nesta actividade formativa farase unha análise dos temas de propiedade intelectual que afectan ao persoal universitario, en particular a titularidade dos resultados da actividade do profesorado universitario, a utilización de materiais doutras persoas na docencia e na investigación, a propiedade intelectual na era dixital,  posibles negocios sobre estes dereitos e a defensa dos resultados de investigación fronte ao uso indebido por outras persoas.

 

Información de contacto:  
 · Teléfono 986 812 035
 · Fax
 · Enderezo electrónico
Compartir:

Descrición

O curso Propiedade intelectual e persoal docente investigador universitario insírese dentro do Programa de Formación Permanente do PDI da Universidade de Vigo para o ano 2021.

Esta actividade forma parte das liñas de accións do selo HR. Este selo busca mellorar o futuro profesional do personal investigador. Podes consultar máis información en: https://www.uvigo.gal/es/investigar/idi-uvigo/estrategia-investigadora/estrategia-personal-investigador-hrs4r .

Información sobre o calendario (datas)

Período de matrícula 26/01/2021 12:00 - 08/02/2021 23:59
Período de docencia 23/02/2021 - 25/02/2021

Prazas e créditos

Número mínimo de participantes 5
Número máximo de participantes 100

Destinatarios/as

Esta actividade está destinada a todo o persoal docente e investigador da Universidade de Vigo.
No caso de que quedasen prazas dispoñibles poderán participar outras persoas interesadas na formación.

Obxectivos

  • Ter unha visión dos problemas, retos e solucións sobre a propiedade intelectual na universidade e resolver as dúbidas que nesta materia se podan formular polas persoas asistentes.

Calendario

Desenvolverase os días 23 e 25 de febreiro de 16 a 20 horas.

Programa

  1. Introdución á propiedade intelectual.
  2. Regulación.
  3. Dereitos de propiedade intelectual.
  4. Réxime xeral de titularidade dos dereitos.
  5. Licenzas Creative Commons
  6. Propiedade intelectual:
    1. Do alumnado.
    2. Da universidade.
    3. Do PDI.
    4. Do PAS.
  7. Titularidade dos dereitos de propiedade intelectual das universidades: principais problemas.
  8. Persoa traballadora asalariada-autora.
  9. Propiedade intelectual (PI) e adquisicións.
  10. PI do PDI: descubrimentos científicos.
  11. PI na era dixital.
  12. PI nas leis.
  13. PI noutras normas.
  14. Open Access.
  15. Difusión en novos formatos: e-book e bibliotecas.
  16. Programas de ordenadores.
  17. Bases de datos.
  18. A propiedade intelectual nas teses doutorais.
  19. Lei de modificación da LPI:
    1. Citas.
    2. Compensación por copia privada.
    3. Usos educativos.
  20. PI e entidades de xestión.
  21. A defensa dos dereitos de PI.
  22. A explotación dos dereitos de PI, nova fonte de ingresos?
  23. Negocios relativos á  propiedade intelectual.
  24. Lei de transparencia e Lei de reutilización da información do sector público e open data.

Impartido en

Modalidade virtual síncrona a través do campus virtual.

Observacións

Acreditación da asistencia:

A superación desta actividade formativa será acreditada pola Universidade de Vigo a todas as persoas matriculadas que obteñan a calificación de apto/a.

O diploma enviarase asinado dixitalmente ao enderezo electrónico nun prazo de 15 días despois de que remate a formación.

Profesorado

Carlos A. Gómez Otero
É licenciado en Dereito e Diplomado pola Escola de Práctica Xurídica da Universidade de Santiago de Compostela (USC). Funcionario da escala de Técnico superior de Administración da USC, do Corpo Superior da Administración da Comunidade Autónoma de Galicia e da escala de Xestión da USC. Ocupou os postos de xefe de Sección do Gabinete Xurídico, de Xefe de Servizo de Asesoría Xurídica e de Secretario Xeral Adxunto  da USC dende o ano 2002. Participou en libros, artigos e capítulos de libros sobre temática universitaria. Impartiu seminarios, cursos e conferencias relacionadas co réxime xurídico universitario. Membro do Equipo Español de Expertos de Bolonia (BET). Especialista no marco xurídico de creación de Empresas de Base Tecnolóxica,  transferencia de resultados de investigación e en Administración Electrónica, onde coordinou traballos no Sistema Universitario Español. Membro da Xunta directiva da Asociación Española para el Estudio del Derecho Universitario (AEDUN).

Calquera dúbida acerca dos detalles dun curso debe dirixila á dirección de dito curso. Por favor, consulte o apartado Información de contacto do curso.

Enderezo electrónico (unicamente problemas técnicos): |  RSS: Catálogo de cursos