Descrición

A tradición oral é clave para a transmisión de aprendizaxes e a construción do imaxinario colectivo. Os contos enchen as nosas vidas tanto en espazos de aprendizaxe formal como no cotián a través da oralidade e dos medios audiovisuais. Por isto, consideramos imprescindible deconstruír o imaxinario heteropatrical, capacitista, especista, etnocentrista e capitalista, entre outras cuestións. Pensamos que é importante visibilizar outros modelos existentes que poñan en valor a diversidade.     

A partir de dinámicas participativas e expresivas traballaremos a consciencia corporal e o xogo vocal, deste xeito descubriremos as posibilidades expresivas do noso corpo e adquiriremos novas ferramentas para contar.

Botaremos man dunha metodoloxía dinámica que parta dos coñecementos e experiencias previas das participantes para a análise e a abordaxe dos temas de xeito individual e colectivo.

Entidades organizadoras

Asociación Universitaria de Ciencias da Educación ( AUCE).

Prazas e créditos

Destinatarios/as

Un máximo de 16 persoas con inquedanzas nestes eidos.

Obxectivos

Obxectivo xeral

Adquirir as ferramentas necesarias para a interpretación dun conto con perspectiva de xénero.

Obxectivos específicos

- Revisar algúns contos tradicionais e contemporáneos.

- Revisar en que medida os contos constrúen o imaxinario colectivo.

- Achegar o traballo corporal e vocal como ferramenta á hora de elaborar un contacontos.

- Repensar os valores e os modelos hexemónicos e relacionais dende unha perspectiva interseccional, incidindo nos relativos ao sistema heteropatriarcal e ás desigualdades de xénero.

- Facilitar a identificación dos sesgos de xénero que encarnan moitos dos contos e pór en valor aqueles que aportan outras visións.

- Achegar reflexións sobre os roles, estereotipos e violencias de xénero, sobre os mitos do amor romántico e o papel do contos como outro axente de socialización clave á hora de reforzar ou non eses modelos.

- Promover un espazo para a conversa sobre o compromiso ético na creación, produción e uso dos contos.

- Facilitar tempo para experimentar pracer coa lectura e o álbum ilustrado.

- Recoñecer os recursos da cultura popular (o refrán, a música, os contos, etc.) como material susceptible de converterse en material escénico.

- Fomentar a creatividade.

Criterios de selección

Por estrita orde de inscrición.

Calendario

Durante os días 28 e 29 de outubro do 2017, cun total de 9 horas de duración.

O sábado 28 (das 10.30 ás 13.30 horas e das 16.30 ás 19.30 horas)e o domingo 29 (das 16.30 ás 19.30 horas).

Programa

Sesión 1. Achegármonos aos contos, a nós e ao xénero. Presentación de recursos e claves

(Sábado 10.30-13.30 h)

Obxectivos

• Intercambiar saberes da cultura popular entre as persoas participantes e as facilitadoras.
• Promover a análise das adiviñas, refráns e cantigas e o recoñecemento do valor potencial das mesmas como axentes de socialización.
• Achegar a perspectiva de xénero a través da abordaxe de conceptos básicos para a identificación de violencias e a análise da socialización diferencial en función do sexo-xénero.
• Valorar a importancia dunha actitude positiva e a necesidade dun clima de atención e respecto para que o proceso de aprendizaxe favoreza a dinámica do grupo.
• Establecer un primeiro contacto co traballo corporal.
• Favorecer a respiración consciente.
• Espertar os cinco sentidos e fomentar o estado de alerta desenvolvendo a percepción do espazo.

Contidos

XÉNERO I:

• Binarismos
• Identidades
• Interseccionalidade
• Relacións de poder.
• Estrutura social.
• Iguais non idénticas.
• Perspectiva de xénero.
• Socialización .
• Roles e estereotipos .
• Axentes de socialización. Os contos.
• Feminismos.
• Álbum ilustrado como ferramenta.
• Tradición oral: Adiviñas, cantigas, refráns.

CORPO I:

• Conciencia corporal.
• Respiración consciente.
• Mirada periférica.
• Presencia escénica.
• Conciencia grupal.
• Equilibrio espacial.

Sesión 2. Creación: elaboración e definición da estrutura e contidos do conto.

(Sábado 16.30-19.30 h)

Obxectivos

• Facilitar a recuperación e construción de referentes. (personaxes non estereotípicas nin tipificadas polo xénero e outros rasgos, linguaxe, espazos, roles e temas).
• Promover a visibilización doutros modelos, temas e lugares posibles que respondan a realidades diversas.
• Facer fincapé no uso dunha linguaxe inclusiva.
• Revisar posibles sesgos de xénero nas historias escollidas.
• Tomar consciencia da respiración.
• Tomar consciencia do propio corpo e as súas capacidades expresivas.
• Favorecer a definición e articulación do son a partir dunha serie de exercicios vocais.
• Facilitar os coñecementos necesarios para elaborar e definir a estrutura e contidos do conto.
• Explorar os recursos expresivos e potencialidades de cada participante.

 Contidos

XÉNERO II:

• Violencias de xénero: estrutural, simbólica, directa/relacional.
• Linguaxe inclusiva.
• Personaxes: Arquetipos. Protagonistas e antagonistas.
• Uso dos tempos e dos espazos.
• Temas: Modelos de beleza. Amor romántico. Mitos.

CORPO II:

• Apoio da voz.
• Articulación do son (vocais e consonantes).
• Músculos e cavidades( fosas nasais, lingua, cavidades oculares, fronte, beizos, fazula e padal).
• A definición do movemento.
• O espazo sonoro.

Sesión 3. Interpretación.Recursos para contar.

(Domingo 16.30-19.30 h)

 Obxectivos

• Compartir diversos recursos para contar contos (uso de obxectos, monicreques, narración oral, música, etc.).
• Afondar na definición do movemento. Devolución externa.
• Escoller os recursos interpretativos a utilizar.
• Revisar posibles sesgos de xénero á hora de escoller e utilizar os recursos.
• Promover a autoestima e o autocoñecemento das participantes.
• Facilitar un espazo para o intercambio e a creación colectiva partindo dos saberes das persoas.
• Ampliar a gama expresiva da voz partindo dos recursos propios das participantes.

 Contidos

• O xesto.
• O son e a palabra.
• A música.
• As personaxes.
• A atmosfera.
• O vestiario e os obxectos.
• O conto: populares, clásicos e contemporáneos.

Modo de pagamento

Obradoiro gratuíto con financiamento da Unidade de Igualdade da Universidade de Vigo.

Impartido en

Centro Cívico Colón, (Rúa Colón, 18-20 Ourense)

Observacións

En todas as sesións botaremos man da palabra, do xesto, do son, do movemento e da respiración para desmecanizar o corpo, adestrando a comunicación e as diversas linguaxes e canles expresivas para contar.

Procuraremos tamén achegar unha ollada crítica feminista que axude a desaprender para camiñar utopías.

 E por último,  tentaremos facilitar un espazo confortable, de confianza e seguro que alimente a participación e a horizontalidade, onde intercambiar experiencias e saberes , onde estrañarse e cultivar inquedanzas para mudar aquelo que non gusta.

Profesorado

Beatriz Pérez Fernández, licenciada en psicoloxía e titulada polo Máster en Educación, Xénero e Igualdade da Universidade de Santiago de Compostela. Educadora social e formadora e coordinadora en proxectos socioeducativos con experiencia como formadora en xénero.

Atenea Fernández García, licenciada en Arte Dramático, especialidade de Interpretación Textual, pola ESAD de Galicia. Actriz e contadora de contos coa compañía Xarope Tulú ( Estrafalaria, Contos de bruídos e miañares, A falta de pan, bos son os contos)