Descrición

O curso Mellora das habilidades comunicativas para a docencia  insírese dentro das actividades formativas institucionais da Universidade de Vigo para o ano 2017. Está organizado pola Área de Formación e Innovación Educativa da Vicerreitoría de Organización Académica e Profesorado.

Información sobre o calendario (datas)

Prazas e créditos

Destinatarios/as

Esta actividade formativa está destinada ao seguinte persoal da Universidade de Vigo:

• Profesorado: catedrático, titular, contratado doutor, axudante doutor, axudante, asociado, de substitución, visitante, lector e emérito.
• Investigador contratado: posdoutoral da Xunta de Galicia modalidades A e B, Juan de la Cierva, Ramón y Cajal, Isidro Parga Pondal, predoutoral da Xunta, predoutoral da Universidade de Vigo, FPI, FPU e axudante doutor.

Obxectivos

• Identificar os elementos máis relevantes da comunicación.
• Valorar como a Programación Neurolingüística (PNL) mellora os procesos comunicativos.
• Levar á práctica estratexias comunicativas a nivel técnico, metodolóxico e relacional.

Calendario

Calendario: 27 de setembro, 4, 11, 18 e 25 de outubro.
Horario: de 16 a 20 horas.

Programa

1. Habilidades específicas para a formación: As bases da comunicación enriquecida para promover a aprendizaxe.
   1. A comunicación e os seus indicadores.
   2. Habilidades para a comunicación: emisión, recepción, configuración da mensaxe, escoita activa, importancia da retroalimentación e a xestión da retroalimentación.
   3. Escoita empatía contra escoita activa.
   4. Análise competencial da persoa formadora.
   5. Habilidades para a formación.

2. A comunicación como base da integración da aprendizaxe: Programación Neurolingüística (PNL) como ferramenta de mellorar.
   1. Aprendizaxe contra coñecemento. Competencia metodolóxica.
   2. Comunicación enriquecida. Que é a PNL?
   3. A PNL como a ferramenta de comunicación.
   4. O traballo cos compoñentes da PNL: a escoita empática, os filtros, as posicións perceptivas, as ancoraxes e o modelado.
   5. Competencias metodolóxicas e o traballo coa comunicación enriquecida.

3. Formación e aprendizaxe: A práctica da PNL como ferramenta de comunicación.
   1. PNL e modelado das actividades formativas para a aprendizaxe.
   2. Posta en marcha dunha actividade de aprendizaxe con PNL adaptada aos estilos de aprendizaxe.
   3. A interacción das competencias técnicas, metodolóxicas e relacionais na formación.

4. A comunicación da persoa formadora:
   1. Crenzas e valores engadidos ao coñecemento.
   2. O autocontrol e a contorna da formación.
   3. A contorna e a xestión da formación.

5. Motivación e xestión de sinerxías para a aprendizaxe: Modelado e xestión de ancoraxes.
   1. Motivación e contorna.
   2. A xestión de sinerxías e o traballo en equipo.
   3. Ancoraxes positivas e a súa aplicación.
   4. Ancoraxes negativas e a súa xestión.
   5. O modelado base de sinerxías de equipo.

Impartido en

Campus de Vigo. Salón de graos da Facultade de Ciencias Económicas e Empresariais.

Observacións

Acreditación da asistencia:

A asistencia a esta actividade formativa será acreditada pola Universidade de Vigo a todas as persoas inscritas que asistan ao 80% do curso.

Profesorado

Yolanda San Juan

Experta en análises competenciais, Mestrado en Coaching e mediación de conflitos. Ten formación en xestión emocional, Practicionner PNL e é Experta en formación formadores/as LEAN.