- Catálogo
-
:::
:::
Estratexias para visibilizar a produción científica (Modalidade virtual)
Información do curso
Estratexias para visibilizar a produción científica (Modalidade virtual)
| Tipo | Curso de formación do PDI | ||||
| Código | PFPPESTR17VIR | ||||
| Nome | Estratexias para visibilizar a produción científica (Modalidade virtual) |
|
|||
| Modalidade | Virtual asíncrona | ||||
| Horas | 12 | ||||
| Descrición | O curso pretende dotar ás persoas participantes das nocións básicas no manexo de bases de datos científicas así como dos indicadores bibliométricos que cada unha delas ofrece. Está dedicado á creación de perfís científicos para monitorar e aumentar a visibilidade da nosa produción científica, no manexo e creación de sistemas de alertas tanto bibliográficas como de impacto, así como o uso de xestores bibliográficos sociais. Tamén incidirá no uso de identificadores de autor/a así como na xestión, exportación e importación do CV científico a distintas plataformas e formatos, con especial incidencia no CVN, ORCID, ResearcherID e o Author Identifier de Scopus. |
||||
| Información de contacto: | |||||
| · Teléfono | 986812035 | ||||
| · Fax | |||||
| · Enderezo electrónico | |||||
| Compartir: |
|
||||
Descrición
O curso Estratexias para visibilizar a produción científica insírese dentro das actividades formativas institucionais da Universidade de Vigo para o ano 2017. Está organizado pola Área de Formación e Innovación Educativa da Vicerreitoría de Organización Académica e Profesorado.
Información sobre o calendario (datas)
| Período de matrícula | 26/01/2017 12:00 - 07/04/2017 23:59 |
|---|---|
| Período de docencia | 08/05/2017 - 19/05/2017 |
Prazas e créditos
| Número mínimo de participantes | 10 |
|---|---|
| Número máximo de participantes | 25 |
Destinatarios/as
Esta actividade formativa está destinada ao seguinte Persoal Docente e Investigador da Universidade de Vigo:
- Profesorado: catedrático, titular, contratado doutor, axudante doutor, axudante, asociado, de substitución, visitante, lector e emérito.
- Persoal investigador: posdoutoral da Xunta de Galicia modalidades A e B, Juan de la Cierva, Ramón y Cajal, Isidro Parga Pondal, predoutoral da Xunta, predoutoral da Universidade de Vigo, FPI, FPU e axudante doutor.
Obxectivos
- Aprender a establecer sistemas de alerta de información científica en diferentes bases de datos tanto baixo subscrición como gratuítas para monitorar a publicación de traballos relacionados co noso ámbito científico así como para controlar o impacto científico da nosa produción.
- Crear perfís científicos que outorguen visibilidade á nosa produción científica e que tamén nos sirvan como servizo de xestión do noso CV científico.
- Coñecer os diferentes códigos e identificadores de autores/as existentes actualmente tanto aqueles que proveñen da iniciativa pública como privada, entender a súa relevancia e motivación, e a pertinencia que teñen para xestionar o noso CV e solicitar proxectos de investigación.
- Manexar os principais identificadores e códigos de autores/as así como aprender a exportar o noso CV a distintos formatos así como actualizalo de maneira rápida e eficiente.
Calendario
Calendario: do 8 ao 19 de maio.
Programa
Módulo I. Fontes de información científica e indicadores bibliométricos
-A xestión da firma científica
-Web of Science e Scopus: que indicadores ofrecen?
-Google Scholar Citations e o índice H
-Aplicacións prácticas: o caso de UGRinvestiga
Módulo II. Creación de perfís científicos
-O impacto e a visibilidade científica
-As redes sociais científicas: ResearchGate e Academia.edu
-Mendeley: o xestor social de información científica
-Os perfís de Google Scholar Citations
Módulo III. Sistemas de alertas
-A vixilancia da información científica
-Sistemas de alerta bibliográfica: bases de datos comerciais
-A ciencia 2.0 e as canles sociais para identificar información científica
-Sistemas de alerta de impacto científico: citas recibidas e seguimento das publicacións doutros investigadores/as
Módulo IV. Identificadores e códigos de autores/as
-O manexo do CV científico Por que é necesario?
-Currículo vitae normalizado e os sistemas de xestión da información científica
-Formatos e plataformas de CVN: FECYT e SICA2
-ORCID: o identificador de autores universal
-Os identificadores de autores comerciais: ResearcherID (Thomson Reuters) e Author Identifier (Scopus)
-Intercambio de información: Como exportar o teu CV dunha plataforma a outra?
Observacións
Acreditación da asistencia:
A asistencia a esta actividade formativa será acreditada pola Universidade de Vigo a todas as persoas que superen as diferentes actividades de avaliación do curso.
Profesorado
Daniel Torres-Salinas
É doutor en Documentación Científica pola Universidade de Granada, traballa como técnico de investigación nas universidades de Navarra e Selecta. Pertence como investigador ao Grupo EC3 (Avaliación da Ciencia e a Comunicación Científica. Membro fundador de CEO da Spin-off EC3metrics. Coautor de varios produtos científicos como Cientificacvn, Ránking I-UGR de universidades, Clasificación Integrada de Revistas Científicas (CIRC), Bipublisher e UGRinvestiga. A súa liña de investigación é a avaliación da Comunicación Científica. Para máis información: https://sites.google.com/site/torressalinas/
Rafael Repiso Caballero
É doutor en Documentación e é profesor da Universidad Internacional de La Rioja. Pertence como investigador ao Grupo EC3 (Avaliación da Ciencia e a Comunicación Científica. Membro fundador de CEO da Spin-off EC3metrics e dos grupos PROCOMM (UNIR) e Comunicar. Para máis información: http://rafaelrepiso.com/cv/
